Saılaýǵa 2 kún qaldy: Daýys berýshige arnalǵan nusqaýlyq

Daýys berý kezinde neni bilýińiz kerek? Tómende barlyǵyn tarqatyp jazdyq. 

Eń aldymen jeke kýáligińiz bolýy kerek. Daýys berý turǵylyqty jeri boıynsha ákimdikter quratyn saılaýshylar tizimi boıynsha júrgiziletinin eskergenińiz jón. Oǵan belsendi saılaý quqyǵy bar Qazaqstan azamattary kiredi: 18 jasqa tolǵan, áreketke qabiletti jáne sot úkimi boıynsha bas bostandyǵynan aıyrý oryndarynda otyrmaǵandar.

Daýys berý qalaı júzege asady?

Saılaý bıýlleteni saılaýshyǵa jeke basyn kýálandyratyn qujatty kórsetken kezde saılaýshylar tizimi negizinde beriledi. Kelesi kezekte saılaýshy bıýlletendi alǵannan keıin tizimge qol qoıady. Saılaýshylar bıýlletenderdi jasyryn daýys berý kabınasyna kirip, toltyrady.

Daýys berý bıýlleteninde saılaýshy kandıdattyń teginiń nemese ózi daýys beretin saıası partııanyń ataýynyń oń jaǵyna ne «Barlyǵyna qarsy» jolynyń oń jaǵyndaǵy uıashyqqa kez kelgen belgini qoıady. Saılaýshy toltyrylǵan bıýlletendi saılaý jáshigine salady.

Daýys beretin ýchaskeni qalaı bilýge bolady?

Astanada ózińizdiń saılaý ýchaskeńiz týraly aqparatty onlaın, sailau.astana.kz veb-servısi arqyly ala alasyz. Sonymen qatar Telegram-da @sailau_astana_bot chat-boty bar. iKomek biryńǵaı baılanys ortalyǵy 109 telefony arqyly táýlik boıy jumys isteıdi. Operatorlar telefon qońyraýlaryna jaýap beredi, iKomek messendjerleri arqyly suranystardy qabyldaıdy; @nursultanikomek109_bot Telegram chat-boty, iKomek109 mobıldi qosymshasy bar.

Almatyda Telegram-da almaty_sailau2023_bot bar, sondaı-aq 1315 nómiri boıynsha biryńǵaı baılanys ortalyǵy jumys isteıdi.

Shymkent – iKomek baılanys ortalyǵy 109 nómiri boıynsha jumys isteıdi.

Aqmola oblysy - izbirateli.akmo.kz saıty.

Aqtóbe oblysy – aktobe.gov.kz saıty, sonymen qatar Telegram-da Akimat04bot bar

Almaty oblysy – zhetysu.saylaw.kz

Atyraý oblysy - sailau.atyrau.gov.kz

Shyǵys Qazaqstan oblysy - e-vko.gov.kz

Jambyl oblysy – zhhambyl.gov.kz

Batys Qazaqstan oblysy – biryńǵaı baılanys ortalyǵy +7 (7112) 109, Oral qalasynyń turǵyndary úshin Smart Uralsk qosymshasy jáne telefony + 7 (71112) 500255

Qaraǵandy ​​oblysy - e-krg.gov.kz

Qostanaı oblysy - uch.kostanay.gov.kz

Qyzylorda oblysy - saylau.orda.gov.kz

Mańǵystaý oblysy - anyqtama telefondar:

Aqtaý +7 (7292) 33-65-20;
Jańaózen +7 (72934) 7-96-57,7-96-58;
Munaıly aýdany +7 (7292) 46-62-34;
Mańǵystaý aýdany +7 (72931) 2-12-86;
Túpqaraǵan aýdany +7 (72938) 2-26-45;
Beıneý aýdany +7 (72932) 2-11-28;

Qaraqııan aýdany +7 (72937) 2-21-91.

Pavlodar oblysy - gov.kz.memleket.entities.pavlodar

Soltústik Qazaqstan oblysy - izbiratel.sko.kz

Túrkistan oblysy – 109 baılanys ortalyǵy, Telegram-bot tur_saylaw_bot

Májilis depýtattyǵyna qandaı partııalar usynylǵan?

2023 jylǵy 19 naýryzda ótetin Májilis saılaýyna jeti saıası partııa jiberildi, olardan 283 kandıdat qatysyp jatyr. Daýys berýge arnalǵan bıýlletenge partııa ataýlary jerebede anyqtalǵan tártippen engiziledi.

Jerebe qorytyndysy boıynsha bıýlletendegi partııalar ataýy kelesi retpen ornalasty:

Amanat partııasy – birinshi. Partııa baǵdarlamasy týraly tolyq aqparatty myna siltemeden tabýǵa bolady.

«Aýyl» halyqtyq-demokratııalyq patrıottyq partııasy - ekinshi, partııa baǵdarlamasymen myna jerden tanysýǵa bolady.

Respublica partııasy - úshinshi, saılaýaldy baǵdarlamasymen myna silteme boıynsha tanysýǵa bolady.

Qazaqstan halyq partııasy – tórtinshi, saılaýaldy baǵdarlamasy partııanyń resmı saıtynda jarııalanǵan.

Qazaqstannyń «Baıtaq» jasyl partııasy - besinshi, olardyń baǵdarlamasy resmı resýrsta jarııalanǵan.

«Aq jol» Qazaqstannyń demokratııalyq partııasy – altynshy, saılaýaldy baǵdarlamasy partııanyń resmı saıtynda jarııalanǵan.

Jalpyulttyq sosıal-demokratııalyq partııa - jetinshi, saılaýaldy baǵdarlamasymen myna silteme boıynsha tanysýǵa bolady.

Saılaý kúni ne isteýge tyıym salynady?

Saılaýdyń mindetti talaptarynyń biri - daýys berý rásimi. Daýys berý rásimi jabyq kabınada ótedi, onda saılaýshydan basqa eshkim bolmaýy kerek. Qaraýǵa da tyıym salynady. Saılaý ýchaskelerinde tek akkredıttelgen jýrnalıster ǵana foto jáne vıdeo túsire alady.

Qazaqstan Parlamenti Májilisi depýtattarynyń kezekten tys saılaýy 2023 jyldyń 19 naýryzynda ótýi tıis. Májilis saılaýymen qatar barlyq deńgeıdegi máslıhattar depýtattarynyń saılaýy ótedi.

Saılaýǵa 7 saıası partııa jiberildi. Bul rette Qazaqstan boıynsha bir mandatty okrýgter boıynsha 609 kandıdat usynylsa, onyń 525-i ózin-ózi usynǵandar.