Búgin ótetin Parlament Májilisi men Máslıhat depýtattarynyń saılaýyna 14 207 úmiker qatysady. Ýchaskelerde daýys berý jergilikti ýaqyt boıynsha saǵat 07:00-den 20:00-ge deıin júrgiziledi.
Aıta keteıik, 18 naýryz saǵat 00:00-den bastap depýtattyqqa kandıdattardyń saılaýǵa qatysty úgit-nasıhat nemese basqa da jumys júrgizýine tyıym salynǵan.
Ortalyq saılaý komıssııasynyń málimetinshe, búgingi saılaýǵa 12 032 550 daýys berýshi tirkeldi.
Májilis pen máslıhat saılaýyna 7 partııa qatysady. Atap aıtqanda: «Amanat» partııasy, «Aýyl» halyqtyq-demokratııalyq partııasy, «Respublica» partııasy, «Qazaqstan halyq partııasy», «Baıtaq» jasyldar partııasy, «Aq jol» partııasy jáne «Jalpyulttyq sosıal-demokratııalyq partııasy».
Májiliske barlyǵy 98 depýtat saılanady. Onyń 70 paıyzy, ıaǵnı 69 oryn proporsıonaldyq júıemen 5 paıyzdyq mejeden ótken saıası partııalardyń tizimi boıynsha saılanady. Al qalǵan 30 paıyz, ıaǵnı 29 oryn bir mandatty okrýgterden saılanatyn depýtattarǵa beriledi.
Astana, Almaty, Shymkent jáne 17 oblystyń máslıhattary saılaýynda partııalyq tizim jáne bir mandatty okrýgterdiń araqatynasy 50/50 bolady. Al qalalyq, aýdandyq máslıhattar 100 paıyz bir mandatty okrýgter arqyly saılanǵan depýtattardan turady.
