Beıjiń, Shanhaı jáne Gonkongtaǵy saılaý ýchaskeleri saǵat 20:00-ge deıin ashyq bolady.
Qazaqstandyq dıplomattar, sondaı-aq saılaý komıssııalarynyń músheleri elimizdiń Ánuranyn oryndaýmen Beıjińde, Shanhaıda jáne Gonkongta saılaý ýchaskeleriniń saltanatty ashylý rásimin ótkizdi.
Qytaıdyń Szıansý, Szıansı, Anhoı, Chjeszıan, Fýszıan provınsııalarynda jáne Shanhaı qalasynda turatyn Qazaqstan azamattary Qazaqstan Respýblıkasynyń Shanhaı qalasyndaǵy Bas konsýldyǵy janyndaǵy (№ 294) saılaý ýchaskesinde daýys bere alady.
Qazaqstan Respýblıkasynyń Gonkongtaǵy Bas konsýldyǵynyń (№ 293) saılaý ýchaskesinde QHR Sıangan jáne Makao arnaıy ákimshilik aımaqtarynda turatyn Qazaqstan azamattary óz tańdaýyn jasaıdy.
Beıjińde qazaqstandyq stýdentter, dıplomattar, ulttyq kompanııalardyń ókilderi jáne olardyń otbasy músheleri, sondaı-aq jeke, resmı, bilim berý, iskerlik jáne týrıstik maqsatta Qytaıda júrgen Qazaqstan azamattary daýys bere alady.
