«Búgin erte turyp, saılaýǵa keldik. Osyndaı sheshýshi sátten qalys qalmaýymyz qajet dep taptyq. О́ıtkeni balalarymyzdyń erteńi búgin saılanatyn depýtattarǵa, olar qabyldaıtyn zańdarǵa tikeleı baılanysty. Balalarymyzdyń bolashaǵy jarqyn bolsyn degen nıetpen tańdaý jasadyq», deıdi altyn qursaqty ana.
Búginde Gúlsara Vapaeva úlken shańyraqtyń tútinin jaǵyp otyrǵan aıaýly kelin, ardaqty ana. Alty balasy bar. Ul-qyzdarynyń aldy 5-synypta oqysa, kishisi besikke bóleýli. Saıası naýqanda belsendilik tanytqan úshemderdiń ata-anasyna estelik syılyqtar tabystaldy. Munaıly aýdanynda daýys berýge kelip jatqan kópbalaly analardyń qarasy qalyń. Batyr aýylynyń turǵyny, 4 balanyń anasy Monshaq Ýálıeva N214 saılaý ýchaskesine kelip, óz tańdaýyn jasady.
«Elimiz úshin mańyzdy sanalatyn saıası naýqanda eshqaısymyz qalys qalmaýǵa tıispiz dep oılaımyn. Úkimet tarapynan qoldaý kóp, aı saıyn járdemaqyny turaqty alyp turamyz. Budan bólek, jańa týǵan analarǵa járdemaqy mólsheri artty, mektep jasyndaǵy balalar da tys qalmady. Jaqsy bastamalar jalǵasyn taba bersin», deıdi ol.
