Qazaqstan • 24 Naýryz, 2023

Elimizde transulttyq qylmystyq toptyń qyzmeti toqtatyldy

90 ret kórsetildi

IIM esirtki qylmysyna qarsy is-qımyl departamenti óndiristik aýqymda sıntetıkalyq esirtki shyǵarý úshin elge prekýrsorlar jetkizýdi jolǵa qoıǵan Qazaqstan men shetel azamattarynan quralǵan transulttyq qylmystyq toptyń qyzmetin toqtatty, dep habarlaıdy Egemen.kz Polisia.kz saıtyna silteme jasap.

Jedel ýákilder zerthanada sıntetıkalyq preparattardy óndirý úshin qoldanylatyn prekýrsorlardy jetkizý arnalaryn anyqtaý boıynsha arnaıy operasııalar júrgizdi. Toptyń árbir múshesiniń rólin jáne basqa adamdardyń qatysýyn anyqtaý úshin «arnaıy júk» búkil marshrýt boıy baqylaýda boldy. Oǵan áýe arqyly barlaý da qoldanyldy.

О́tken jyldyń qazan aıynda arnaıy operasııanyń bastapqy kezeńinde, sondaı-aq osy jyldyń naýryz aıynda prekýrsorlardyń kontrabandasyna qatysqan úsh sheteldik azamat elden tys jerlerde ustaldy.

Operasııanyń sońǵy kezeńinde 21 naýryz kúni Almatyda osy is boıynsha qalǵan fıgýranttar – kórshiles elderdiń eki azamaty jáne qazaqstandyq ustaldy. Olardan ártúrli salmaqta mefedron, sheteldik polısııa qyzmetkeriniń jalǵan kýáligi, zıp-paketter, elektrondyq tarazylar, Kalashnıkov avtomatynyń 7,62 mm kalıbrli patrondary tárkilendi.

Qoımalardy tintý barysynda IIM jáne Almaty qalasy polısııa departamentiniń qyzmetkerleri sıntetıkalyq esirtkilerdi daıyndaý úshin qoldanylatyn prekýrsorlardy, sondaı-aq eki reaktordy, ıaǵnı sıntetıkalyq esirtkilerdi daıyndaýǵa arnalǵan arnaıy zerthanalyq jabdyqty tárkiledi.

Tárkilengen prekýrsorlardyń jalpy kólemi 72,7 tonna. Osylaısha 8 tonna sıntetıkalyq esirtki óndirýge jol berilmedi. Bul 8 mıllıon bir rettik doza. Qazir tergeý áreketteri júrip jatyr. IIM sıntetıkalyq esirtki óndirilgenge deıin prekýrsorlardy joıý jumysyn jalǵastyrady.

Uqsas jańalyqtar