Astana qalalyq aýmaqtyq saılaý komıssııasynyń tóraǵasy Bahyt Bektemisova usynǵan aqparatqa qaraǵanda, elordada 788 931 saılaýshy tirkelgen. Alaıda, tek 332 694 adam daýys berýge kelgen.
Komıssııa qorytyndysyna sáıkes, máslıhat saılaýyna qatysqan partııalar saılaýshylar daýsyn kelesideı bólisken:
1. Amanat partııasy – 68,78% nemese 227 307 adam daýys berdi;
2. «Aýyl» halyqtyq-demokratııalyq partııasy – 0,65% nemese 2 197 adam daýys berdi;
3. Respublica partııasy – 1,63% nemese 5401 adam daýys berdi;
4. Qazaqstan halyq partııasy – 5,12% nemese 18 174 adam daýys berdi;
5. «Baıtaq» jasyldar partııasy – 5,49% nemese 18 154 adam daýys berdi;
6. «Aq jol» Qazaqstan demokratııalyq partııasy – 19,96% nemese 56 045 adam daýys berdi;
Al 3 269 adam «Bárine qarsymyn» baǵanyn tańdaǵan.
«5 jáne odan da kóp paıyzyn alǵan saıası partııalar úshin mandattar bylaı bólindi: Amanat partııasy – 12 mandat, Qazaqstan halyq partııasy – 1 mandat, «Baıtaq» jasyldar partııasy – 1 mandat, «Aq jol» Qazaqstan demokratııalyq partııasy – 3 mandat», dep qorytyndylady Bahyt Bektemisova.
