Álıhan Smaıylov: Memlekettik organdar máseleni ýaqytyly sheshýi kerek

Úkimet basshysy problemalyq máselelerdi jedel sheshý úshin mınıstrlikter, ákimdikter men ulttyq kompanııalar arasyndaǵy úılestirýdi kúsheıtýdiń mańyzyn atap ótti. Osy oraıda Premer-mınıstr ákimdikter jergilikti jerlerdegi problemalar týraly Úkimetke tolyq aqparat bere bermeıtinin atap ótti.

«Máselen, jylytý maýsymyna nemese sý tasqynyna daıyndyq kezinde, ınfraqurylymdy jańǵyrtý jáne jóndeý boıynsha málimetter ýaqytyly jáne tolyq berilmeıdi. Nátıjesinde problemalar durys sheshilmeıdi. Bul tótenshe jaǵdaılarǵa alyp keledi. О́tken qys aıy men kóktemde ondaıdyń birazyn kórdik. Naqty is júzindegi nátıjeler qajet. Sonda ǵana azamattar jaǵdaıdyń ózgergenin, ómir súrý sapasynyń jaqsarǵanyn sezinetin bolady. Árbir memlekettik organ men ákimdik, ulttyq kompanııalar jaǵdaıdy jiti baqylap, buqaralyq aqparat quraldary men áleýmettik jelilerge monıtorıng júrgizýi tıis», dedi Premer-mınıstr. 

Sonymen qatar Úkimet basshysy belsendi túrde túsindirý jumystaryn júrgizip, aldyn alý sharalaryn qabyldap, máselelerdi ýaqytyly sheshý kerektigin aıtty.

Premer-mınıstrdiń orynbasary – Úkimet Apparatynyń basshysy Ǵalymjan Qoıshybaev óz sózinde kún saıyn halyqtyń jarııalanymdary, shaǵymdary men ótinishteriniń daıdjesti jasalatynyn, al asa ózekti máseleler jedel jáne proaktıvti túrde sheshý úshin Táýekelder kartasyna engiziletinin atap ótti.

Oǵan qosa Úkimet Apparaty azamattardan kelip túsken ótinishterge taldaý júrgizedi. Bul rette ótinishterdiń qaralýyn baqylaý kúsheıtildi.

Premer-mınıstr Úılestirý shtabynyń otyrystarynda óńirler men ortalyq memlekettik organdardyń ózara is-qımylyn talap etetin máseleler únemi kóterilip otyratynyn atap ótti. Sonymen qatar Premer-mınıstrdiń orynbasarlary kóteriletin máselelerdi apta saıyn óz deńgeıinde qaraıtyn bolady.

«Úkimet Apparaty Memleket basshysy men Úkimet basshylyǵynyń tapsyrmalarynyń oryndalý barysyn qatań baqylaýǵa alýy tıis. Bizge ózara kelisilgen is-áreketter men naqty nátıje kerek», dep túıindedi Álıhan Smaıylov.