«Basyn báıgege tigip, aınalasyna kómektesýge qushtar jandar qashanda maqtaýǵa laıyq. Túrli oqys oqıǵada tóngen qaýipke qaramastan, ózgeniń ómirin qutqaryp qalǵan azamattarǵa aıtar alǵys, kórsetiletin qurmet sheksiz.
Mundaı erlik ekiniń biriniń qolynan kelmeıdi. Sizder beıbit kúnniń batyrysyzdar. Osy táýekelderińiz arqyly tutas ustaz deıtin uly mamandyqtyń abyroıyn kóterip, bedelin bıiktettińizder. Osy erlikterińiz – óskeleń urpaqqa úlgi, mol taǵylym. Barshańyzǵa batyldyq pen qyraǵylyqtaryńyz úshin alǵys bildire otyryp, denderińizge saýlyq, otbasylaryńyzǵa amandyq tileımin», degen shahar basshysy beıbit kúnniń batyrlaryna syı-sııapat tapsyrdy.
Esterińizge sala ketsek, 6 naýryz kúni №22 orta mekteptiń 2-synyp oqýshysy Bekjan Baqytjanuly sabaqqa kelmegendikten, mektep ákimshiligi ata-anasyna habarlasqan. Alaıda olardyń da sol kúni jumysqa shyqpaǵany, №10 orta mektepte bilim alatyn sol otbasynyń 2 balasynyń da sabaqqa barmaǵany belgili bolady. Mektep ákimshiligi mán-jaıdy anyqtaý maqsatynda oqýshylardyń úıine dırektordyń tárbıe isi jónindegi orynbasary Elmıra Eselbaeva, oqý-tárbıe isi jónindegi orynbasary Aıda Esenamanova, dene shynyqtyrý pániniń muǵalimi Qýanysh Ismaılov, mektep polısııa ınspektory Álisher Ermekovti jiberedi.
Olar úıge barǵan soń terezeden qımylsyz jatqan 5 adamdy baıqaıdy. Sol arada birden áreketke kóship, beseýin de dalaǵa alyp shyǵyp, gaz qurylǵysyn óshiredi. Sonyń arqasynda bir otbasy ajal tyrnaǵynan aman qaldy.
TARAZ
