Respublica Partiyasy 6 kandıdattyń esimin jarııalady. Bul týraly Aıdarbek Qojanazarov málimdedi.
«Qurmetti dostar, qazaqstandyqtar! Búgin OSK Qazaqstan Respýblıkasy Parlamenti Májilisiniń depýtattaryn saılaýdyń qorytyndysyn jarııalady. Respublica Partiyasy 547 154 daýys jınap, 8,59% kórsetkishpen Parlamenttiń tómengi palatasyna 6 mandat alyp, úshinshi orynǵa ıe boldy», dep atap ótti ol.
Ol partııa tizimi boıynsha Májilis depýtatattyǵyna baratyndardyń aty-jónin atady.
«Májiliste bizdiń partııamyzdyń atynan shyǵatyn depýtattar - men, partııa tóraǵasy Aıdarbek Qojanazarov, partııanyń teń tóraǵalary - Dınara Shúkijanova men Rýslan Berdenov, sondaı-aq Dınara Naýmova, Nurgúl Taý jáne Oljas Quspekov», dedi ol.
Sóz sońynda senim artqandarǵa alǵys bildirip, endi iske kirisetinin aıtty.
«Men jáne meniń áriptesterim bizge kórsetken senim úshin shyn júrekten alǵys aıtamyz jáne sizdiń tańdaýyńyzdyń durystyǵyn sózben emes, Otanymyz - Táýelsiz Qazaqstannyń ıgiligi úshin naqty istermen dáleldeýge ýáde beremiz!Alǵa, Respublica!», dedi Aıdarbek Qojanazarov.
