Qysqa vıdeorolıkter jasaýmen máshhúr bolǵan TikTok platformasy tanymal kontent avtorlarynyń qoldaýymen tuńǵysh ret #Naýryz2023 onlaın-festıvalin ótkizgen bolatyn. Naýryzdyń aıaǵynda márege jetken joba platforma qaýymdastyǵynyń aıryqsha nazarynda bolyp, heshteg boıynsha kontent 120 mıllıonnan astam qaralym jınady, dep habarlaıdy Egemen.kz.
TikTok-taǵy tanymal kontent avtorlarynyń ǵana emes, Mádenıet jáne sport mınıstrligi jáne «Kazakh Tourism» UK» AQ qoldaýymen ótken onlaın-festıvalge qyzyǵýshylyq tanytqandar, atsalysqandar óte kóp boldy. Endi eń úzdik rolıkter baıqaýynyń jeńimpazdary elimizdiń eń sulý mekenderine sapar shegedi.
Eger ár zamannyń ózine saı sazy bolatynyn eskersek, qazirgi tańda TikTok álemniń ár túkpirindegi elderdiń mádenıetin jańa qyrynan tanýǵa múmkindik beretin tildesý quraly ispetti. Al TikTok-taǵy onlaın-festıval platformanyń Qazaqstandaǵy iri qaýymdastyǵynyń basyn qosty. Elimizdiń túkpir-túkpirindegi otandastarymyz Naýryzdy qalaı atap ótkenin pash etti: jerlesterimiz bir birine júrekjardy lebizderin tógip, jyl basynan jaqsylyqtar tilep, merekelik dastarhan daıyndap, ulttyq ánderdi áýeletti. Ár óńirdiń ózindik dástúrleri men salty saltanat qurdy. Qorytyndylaı kelgende joba heshtegindegi rolıkter 120 mıllıonnan astam qaralym jınady.
Platforma qoldanýshylary Naýryz-kójeden neshe túrli mázirden bastap, dámi til úıirgen asylǵan et pen qýyrdaq, bylqyldaǵan baýyrsaq sııaqty erekshe merekelik taǵamdar daıyndaýdyń syrymen bólisti. Elimizdiń túkpir-túkpirinen merekelerden reportajdar júrgizilip, naǵyz halyqtyq meıram naqyshtary pash etildi. Tanymal kontent avtorlary mereke tarıhy týraly baıandap, ózderi de ulttyq kıimder men zergerlik buıymdardyń sulýlyǵyn nasıhattady. Árıne, platforma ulttyq áýenge bólenip, basty mýzykalyq trendteriniń biri dástúrler men zamanaýı motıvterdi úılestiretin «Qamajaı» qazaq halyq ániniń remıksiniń bıi boldy.
Jobaǵa qatysqan barlyq qoldanýshy arasynda eń jańashyl beınerolıkterdiń avtorlary anyqtalǵan kezde, Qazaqstannyń túkpir-túkpirinde Naýryz qalaı toılanatyny týraly kórkem sýretteme jasaǵan @malikatakira birinshi oryndy jeńip aldy. Al ekinshi orynǵa asylǵan ettiń otbasylyq reseptin bólisken @pak_lafamilia ıe boldy. Úshinshi orynǵa taýdaǵy bı túsirilgen rolık avtorlary @kz_white_angel_kz laıyq dep tanyldy.
Jeńimpazdarǵa Mádenıet jáne sport mınıstrligi men «Kazakh Tourism» Ulttyq kompanııasy» AQ taǵaıyndaǵan «Rocket Go Travel» týrıstik kompanııasynan baǵaly syılyǵy – Qazaqstannyń eń kórikti mekenderine saıahat jasaý buıyryp otyr.
«Biz elimizdegi iri qaýymdastyqpen birge Naýryz merekesiniń saltanatyn asyrǵanymyzǵa óte qýanyshtymyz. TikTok-ty merekeniń myń qulpyrǵan boıaýlarymen, ǵajaıyp áýendermen, kózdiń jaýyn alatyn dastarqan, bı jáne keremet kóńil-kúılermen toltyrǵany úshin qoldanýshylarymyzǵa raqmet! Sizderdiń arqalaryńyzda búkil álem boıynsha Qazaqstannyń mádenıeti qanshalyqty ádemi jáne biregeı ekeni týraly barynsha kóp adam bile alady», deıdi TikTok-tyń Shyǵys Eýropa men Ortalyq Azııadaǵy Operasııalyq bóliminiń basshysy Ekaterına Blınes.
«Osynaý joba elimizdiń ár óńirindegi merekeniń erekshelikteri týraly aıtyp, mádenıetimizdiń alýan túrliligin zamanaýı formatta kórsetýge múmkindik berdi. TikTok Qazaqstandaǵy ártúrli urpaqtar arasynda, sonyń ishinde jastar arasynda tanymal. Ulttyq dástúrlerimizdi onlaın-platformalar arqyly nasıhattaý óte mańyzdy», dedi Mádenıet jáne sport mınıstrliginiń resmı ókili Móldir Ábdýalıeva.
«TikTok-pen seriktestigimizdiń arqasynda eń úlken merekemiz – Naýryzdy toılaýǵa barynsha nazar aýdartyp, álemniń túkpir-túkpirinen qoldanýshylarymyzǵa elimizdiń ártúrli óńirindegi mádenıettiń alýan túrliligi men baılyǵyn kórsetýge umtyldyq. Shyndyǵynda, bıylǵy merekeniń aýqymy keń ári birqatar óńirde týrıstik maýsymnyń ashylýynyń nyshany ispetti boldy», deıdi «Kazakh Tourism» UK» AQ Basqarma tóraǵasy Talǵat Amanbaev.
Áleýmettik-mádenı damý komıtetiniń keńeıtilgen otyrysy ótti
Saıasat • Búgin, 11:33
Prezıdent Úndistan Premer-mınıstrine kóńil aıtý jedelhatyn joldady
Prezıdent • Búgin, 11:11
Suńǵat Jubatqan Gran-prı týrnırinde qola júlde aldy
Sport • Búgin, 10:47
3 maýsymǵa arnalǵan valıýta baǵamy
Qarjy • Búgin, 10:37
Álem chempıony Sanjar Táshkenbaı ákesine tosynsyı jasady
Qoǵam • Keshe
«Bolashaq» stıpendııasyna ótinim qabyldaý bastalady
Bilim • Keshe
Uqsas jańalyqtar
Onlaın 
