Palata Spıkeri Qazaqstan men Izraıl arasynda dostyq pen ózara senimge negizdelgen kópjaqty jáne berik seriktestik qatynas ornaǵanyn atap ótti. Sondaı-aq ol Izraıl halqyn atalǵan memlekettiń táýelsizdigine 75 jyl tolýymen quttyqtady.
«Qazaqstan Izraıldi «órkenıetter dıalogyn» odan ári damytý jáne álem halyqtarynyń mádenıetaralyq yntymaǵyn qamtamasyz etý isinde mańyzdy seriktes retinde tanıdy. Biz Izraıldiń Bas sefard ravvıni Ishak Iosef pen Izraıldiń Bas Ashkenazı ravvıni Devıd Laýǵa Álemdik jáne dástúrli dinder lıderleriniń VII Sezine belsendi qatysqany úshin alǵysymyzdy bildiremiz. Sezdiń jumysy halyqtar arasyndaǵy beıbitshilik pen kelisimdi ilgeriletýge, dinaralyq dıalogty damytýǵa jáne álemde adamgershilik qundylyqtardy dáripteýge baǵyttalǵan», dedi Máýlen Áshimbaev.
Sonymen qatar Senat Tóraǵasy Qazaqstan Prezıdenti Qasym-Jomart Toqaevtyń bastamasymen elimizde iske asyrylyp jatqan aýqymdy saıası jańǵyrtýlardyń nátıjelerine toqtalyp ótti.
О́z kezeginde elshi Qazaqstanda qolǵa alynǵan qoǵamdyq-saıası ózgeristerdi joǵary baǵalady jáne barlyq baǵyt boıynsha yntymaqtastyqty keńeıtýge múddeli ekenin bildirdi. Odan bólek, taraptar parlamentaralyq ózara is-qımyldy arttyrýdyń mańyzyna nazar aýdardy.
