Petropavl qalasyndaǵy arandatýshylyqtarǵa qatysty Qazaqstan halqy Assambleıasy «Narodnyı Sovet goroda Petropavlovsk» dep atalatyn uıymnyń atynan shyqqan bir top adamdardyń arandatýshylyq málimdemesin qatań túrde aıyptaıdy, dep habarlaıdy Egemen.kz.
«Biz, Qazaqstan halqy Assambleıasynyń ókilderi, Qazaqstan Respýblıkasynyń aýmaqtyq tutastyǵynyń myzǵymastyǵyn jáne oǵan ishki jáne halyqaralyq zańnamamen kepildik berilgenin málimdeımiz.
Bul áreketterdi memleketimizdiń konstıtýsııalyq negizderine, qaýipsizdigine, birligi men turaqtylyǵyna qarsy baǵyttalǵan el múddesine jasalǵan opasyzdyq dep baǵalaımyz. Biz birtutas halyq retinde qazaqstandyq qoǵamda eshkimniń arazdyq pen senimsizdik taratýyna jol bermeımiz», delingen Assambleıanyń áleýmettik jelidegi jazbasynda.
Sondaı-aq jazbada mundaı arandatýshylyqtar asa jaýapsyzdyqtyń kórinisi jáne quzyrly organdar tarapynan qatań túrde tıylý kerek ekeni jazylǵan. Kináliler sot tártibimen zań aıasynda jazalanatyny aıtylǵan.
«Qazaqstan halqy Assambleıasy azamattardy mundaı áreketterge boı aldyrmaýǵa jáne myzǵymas birligimiz ben qoǵamdyq kelisimimizdiń negizi – halqymyzǵa tán danalyqty, tózimdilikti, senim men ózara syılastyqty saqtaýǵa shaqyrady. Qazaqstan – bizdiń ortaq shańyraǵymyz jáne biz qaı jerde bolsaq ta súıikti Otanymyzdyń ókilderimiz, al halyqaralyq qaýymdastyq bizdi birtutas ári qýatty ult retinde tanıdy.
Biz ártúrlimiz, biraq birligimiz áralýandylyqta. Bul qaǵıdadan biz eshqashan aýytqymaımyz», delingen jazbada.
Sońǵy jańalyqtar
Áleýmettik-mádenı damý komıtetiniń keńeıtilgen otyrysy ótti
Saıasat • Búgin, 11:33
Prezıdent Úndistan Premer-mınıstrine kóńil aıtý jedelhatyn joldady
Prezıdent • Búgin, 11:11
Suńǵat Jubatqan Gran-prı týrnırinde qola júlde aldy
Sport • Búgin, 10:47
3 maýsymǵa arnalǵan valıýta baǵamy
Qarjy • Búgin, 10:37
Álem chempıony Sanjar Táshkenbaı ákesine tosynsyı jasady
Qoǵam • Keshe
«Bolashaq» stıpendııasyna ótinim qabyldaý bastalady
Bilim • Keshe
Uqsas jańalyqtar
Onlaın 
