Bul jaǵdaı qazirgi kezde oblys aýmaǵynda jappaı oryn alyp jatqan bolýy múmkin.
Sondaı-aq Facebook áleýmettik jelisiniń qoldanýshylary Túrkistan oblysy polısııa departamentiniń basshysy Murat Qabdenovke atalǵan jaǵdaıǵa baılanysty arnaıy túsindirme jumysyn júrgizýdi usyndy.
«Qurmetti Murat Qabdenov myrza tabıǵı baılyǵymyzdy saqtap qalý úshin qyzǵaldaqtardyń tyǵyz shoǵyrlanǵan aýmaqtarda arnaıy túsindirme jumystaryn júrgizsek», dep jazdy áleýmettik jeli qoldanýshysy.
Aıta keteıik, Greıg qyzǵaldaǵy – lalagúl tuqymdasyna jatatyn kópjyldyq ósimdik. Shoǵy qyp-qyzyl, al sabaǵy qońyrshań kelgen qyzǵaldaqtyń bul túrin alǵash Qarataý eteginen tapqan Reseı baý-baqsha qoǵamdastyǵynyń dırektory Samýıl Greıg bolatyn. Qyzǵaldaqtyń aty da sol kisiniń esimimen atalǵan.
Japyraǵy jalpaq taspa tárizdi, keıde jıegi ırektelip, ústińgi betinde qoıý kúlgin tańbalary bolady. Gúli dara, qyzyl, qyzǵylt sary tústi, kóktemde gúldeıdi.
Bul qyzǵaldaq ǵylymda HIH ǵasyrdan belgili.
Elimizde bul gúldi Aqsý-Jabaǵyly men Qarataý qoryǵynda, Berqara baýynda kezdestirýge bolady. Greıg qyzǵaldaǵy memlekettik qorǵaýǵa alynyp, Qyzyl kitapqa engizilgen.
