«Bas josparǵa sáıkes, 2023 jylǵa qaraı elorda turǵyndarynyń sany 800 myń adam bolady degen boljamdar bolǵan. Sodan keıin tájirıbe basqasha kórsetti, ıaǵnı barlyq boljam jospardan asyp tústi, 2010 jyly Bas jospar túzetilgende 2030 jylǵa qaraı 1 mıllıon 200 myń adam bolady dep josparlandy. Bul meje 2020 jyly oryndalǵan», dedi Altaı Kólginov.
Bul rette vıse-premer halyq sanynyń jedel ósýine baılanysty elorda ınfraqurylymyn odan ári jetildirý qajet.
«Halyq ósimin, dınamıkasyn eskere otyryp, qazir boljamdar 2035 jylǵa qaraı 2 mıllıon 200 myń nemese 2 mıllıon 500 myń adam bolatynyn kórsetip otyr. Biz bul úshin ınfraqurylymdy daıyndaýymyz kerek. Bıyl ákimdik Úkimetke baryp, osy Bas jospardy bekitýi kerek. Bas josparǵa sáıkes mektepter, balabaqshalar, áleýmettik nysandar, áleýmettik turǵyn úıler sany artty, ınjenerlik ınfraqurylym, mysaly, eki gaz jylý stansııasynyń qurylysyn bastadyq», dep oıyn aıaqtady Kólginov.
