Oıyn Astana ýaqyty boıynsha saǵat 12:00-de bastaldy. Mundaı aýqymdy is-shara alǵash ret ótkizilip otyr. Shahmattan respýblıkalyq chellendjge barlyǵy mıllıonǵa jýyq oqýshy qatysty.
Chellendj balalarǵa, jasóspirimderge jáne pedagogtarǵa osy sport túriniń jappaı damýyn jáne ózderiniń jarqyn jetistikterin kórsetýge múmkindik beredi.
Chellendjdi bastap bergen Oqý-aǵartý mınıstri zııatkerlik sport túriniń mańyzyn atap ótti.
«Bilim berý uıymdarynda «Mekteptegi shahmat» jobasy júzege asyp jatyr. Bizdiń óskeleń urpaqtyń osy sport túrin úırenýge qyzyǵýshylyǵy artyp kele jatqany qýantady. Shahmat oınaı otyryp, aqyl-oılaryńyz damyp qana qoımaı, sizder eńbekqorlyq, tabandylyq pen qaısarlyq qasıetterin ıgere alasyzdar», dedi mınıstr Ǵanı Beısembaev chellendj qatysýshylaryna.
