Depýtattyń aıtýynsha, 2023 jyldyń basynan beri el boıynsha 88 keli sıntetıkalyq esirtki tárkilendi, mundaı mólsherdiń qara naryqtaǵy quny 1,7 mlrd teńgeden asady.
Dınara Shúkijanova táýeldiliktiń mundaı túrimen kúresý is-sharalaryn júrgizý barysynda Prezıdent janyndaǵy Jastar keńesiniń róli asa mańyzdy dep sanaıdy.
«Biz, «Respýblıka» partııasynyń ókilderi kelesi máselelerdi qarastyrýdy usynamyz. Zańnamany qatańdatý: jasyryn esirtki zerthanalaryn uıymdastyrýshylar úshin jaýapkershilikti kúsheıtý. Aqparattyq-kommýnıkasııalyq júıelerdi paıdalaný arqyly esirtkiniń zańsyz aınalymyn úgittegender úshin qylmystyq jaýapkershilik qarastyrý. Bultartpaý sharasyn ýaqytyly shyǵarý maqsatynda sıntetıkalyq esirtkiniń sot saraptama óndirisiniń merzimin qysqartý», dedi Májilis depýtaty.
