Qarjy mınıstrligine 26 tarmaqtyń oryndalýy bekitilgen, sońǵy eki jylda onyń 15-i tolyq kólemde aıaqtaldy.
«Osy sharalardy júzege asyrý kedendik tekserýlerdiń tıimdiligin arttyrýǵa, kameralyq baqylaýdy jaqsartýǵa, kedendik rásimderdi ońtaılandyrýǵa jáne ákimshilik quqyq buzýshylyqtar boıynsha qosymsha sharalar ázirleýge múmkindik berdi. Jalpy júzege asyrylyp jatqan sharalar sońǵy 3 jylda ishki jalpy ónimdegi kóleńkeli ekonomıkanyń úlesin 27%-dan 19,75%-ǵa deıin qysqartýǵa múmkindik berip, bıýdjetke 2 trln teńge qosymsha kiris tústi», dep atap ótti Erulan Jamaýbaev.
Sondaı-aq uqsas statıstıkada Qytaı arasyndaǵy sáıkessizdikterdi azaıtýda oń nátıjege qol jetkizildi. Júrgizilgen jumystardyń qorytyndysy boıynsha jekelegen taýarlar boıynsha ózindik qun kórsetkishteri 2,5 esege ósti. Eksporttyq deklarasııalardy onlaın almasý jolǵa qoıyldy.
Ortalyqtandyrylǵan baqylaýdy jáne shekaradan ótýdi avtomattandyrylǵan baqylaýdy qamtamasyz etý, adamı faktordy joıý jáne sybaılas jemqorlyq táýekelderin azaıtý maqsatynda Dıspetcherlik bas basqarmasy quryldy.
«Nátıjesinde, 2022 jyldyń qorytyndysy boıynsha kedendik tólem men salyq kólemi 3,4 trln teńgege jetti, bul 2021 jylmen salystyrǵanda 50%-ǵa artyq», dedi Erulan Jamaýbaev.
Qanatqaqty joba júzege asyrylǵan 2 jyl ishinde aınalym somasy 4,1 trln teńge bolatyn jalǵan mámileler jasasqan 9 myńǵa jýyq qatysýshynyń qyzmeti anyqtaldy jáne shekteldi. 1 trln teńge somasyna ózara esep aıyrysatyn 4 myńnan astam sýbektini tirkeý sot organdary arqyly jaramsyz dep tanylyp, 402 mlrd teńgege 3 890 mámileni sottarmen jaramsyz dep tanyldy.
Erulan Jamaýbaev Memleket basshysynyń tapsyrmasyna sáıkes, eldiń tranzıttik áleýetin arttyrý maqsatynda kedendik tranzıtti jeńildetý boıynsha «Qazaqstan temirjoly» AQ-men birlese jumystardyń júrip jatqanyn jetkizdi. Temirjol tasymaldaýshysy men memlekettik kirister organdarynyń aqparattyq júıelerin ıntegrasııalaý, onyń ishinde aralas qyzmetterdi baqylaýdy jeńildete otyryp, tranzıttik deklarasııalar shyǵarý kózdelip otyr. Qazaqstan arqyly Qytaıdan Eýropaǵa «úzdiksiz» tranzıtpen júretin taýarlarǵa tranzıttik deklarasııalardy avtomatty túrde tirkeý jáne shyǵarý engizilýde.
Kóleńkeli ekonomıkanyń tómendeýi bıýdjettiń kiris bóligin ulǵaıtýdyń negizgi faktory bolyp tabylatynyn eskere otyryp, mınıstrlik jańa Keshendi josparǵa qosymsha is-sharalar engizdi. Bul — elektrondyq taýarǵa mindetti ilespe qujattardy engizý jolymen munaı jáne munaı ónimderi aınalymy salasyndaǵy baqylaýdy kúsheıtý.
Sóz sońynda Erulan Jamaýbaev Jospardyń is-sharalary boıynsha jumys belgilengen ýaqytta iske asyrylatynyn atap ótti. Bul másele Úkimettiń turaqty baqylaýynda.
