Kýrerler men taksı júrgizýshileri Qarjy mınıstrliginiń pılottyq jobasy aıasynda 1 shildeden bastap salyq tóleıtin bolady. Pılottyq jobaǵa qatysý mindetti emes. Ázirge qatysqysy keletinder ǵana qatysa alady. Qatysý úshin jeke kásipker retinde tirkelip, onlaın-platformaǵa tıisti qujattardy usyný qajet.
Operatorlar aı saıyn jarty jyldyq tabystyń 1 paıyzyn alyp otyrady.
«Operator jeke kásipkerdiń sheshimi boıynsha qarajatty ustaý boıynsha mindettemelerdi oryndaý bóliginde salyq agenti bolyp tanylady. Pılottyq jobaǵa qatysýshylar úshin mindetti zeınetaqy jarnalary men áleýmettik aýdarymdarǵa salyq tóleý jeke kásipkerdiń tabysy bolyp sanalady. Mindetti áleýmettik medısınalyq saqtandyrýǵa aýdarymdarǵa salyq salý obektisi eń tómengi jalaqynyń 1,4 eselengen mólsherindegi kirisi bolady», dep túsindirdi Qarjy mınıstrliginiń baspasóz qyzmeti.
