Qazaqstan Respýblıkasynyń Zańy Dene shynyqtyrý jáne sport týraly № 228-V QRZ

Osy Zań Qazaqstan Respýblıkasynda dene shynyqtyrý jáne sport salasyndaǵy qoǵamdyq qatynastardy retteıdi, buqaralyq dene shynyqtyrý, áýesqoı jáne kásipqoı sport qyzmetin qamtamasyz etýdiń jáne olardy damytýdyń quqyqtyq, uıymdyq, ekonomıkalyq jáne áleýmettik negizderin aıqyndaıdy. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) ardager sportshy – sporttyq mansabyn aıaqtaǵan joǵary dárejedegi sportshy; 2) áýesqoı sport – jeke adamdarǵa sporttyq sheberligin jetildirýge jáne ártúrli sport túrinde joǵary nátıjelerge qol jetkizýge múmkindik beretin buqaralyq sport qozǵalysy; 3) beıimdik dene shynyqtyrý jáne sport – múgedekterdi ońaltýǵa jáne qalypty áleýmettik ortaǵa beıimdeýge, olardyń tolyqqandy ómirdi sezinýine kedergi keltiretin psıhologııalyq tosqaýyldardy eńserýine, sondaı-aq qoǵamnyń áleýmettik damýyna óziniń jeke úles qosýynyń qajettigin sezinýine baǵyttalǵan sporttyq-saýyqtyrý sıpatyndaǵy sharalar kesheni; 4) buqaralyq sport – halyq arasynda dene shynyqtyrýdy damytýǵa yqpal etetin sport qozǵalysy; 5) biryńǵaı sporttyq synyptama – sportshylardyń sheberlik deńgeıin nemese jattyqtyrýshylar men sport tóreshileriniń biliktilik deńgeıin aıqyndaıtyn sportshylardyń, jattyqtyrýshylardyń sporttyq ataqtary, razrıadtary jáne sport tóreshileriniń sanattary júıesi; 6) dene tárbıesi – deni saý, dene bitimi jáne rýhanı jaǵynan jetilgen óskeleń urpaqty qalyptastyrýǵa baǵyttalǵan pedagogıkalyq prosess; 7) dene shynyqtyrý – mádenıettiń quramdas bóligi, adamnyń dene bitimin jáne ıntellektýaldyq qabiletterin damytý, dene tárbıesi men dene bitimin damytý arqyly onyń qozǵalys belsendiligin jetildirý jáne salamatty ómir saltyn qalyptastyrý, áleýmettik beıimdeý maqsatynda qoǵam jasaıtyn jáne paıdalanatyn rýhanı jáne materıaldyq qundylyqtar jıyntyǵyn bildiretin áleýmettik qyzmet salasy; 8) dene shynyqtyrý daıarlyǵy – adamnyń dene shynyǵýy qasıetterin tárbıeleýge jáne fýnksıonaldyq múmkindikterin damytýǵa baǵyttalǵan pedagogıkalyq prosess; 9) dene shynyqtyrý jáne sport jónindegi ádisker (budan ári – ádisker) – kásiptik bilimi bar, oqý-jattyǵý prosesin ádistemelik qamtamasyz etýdi jáne oǵan basshylyq jasaýdy, dene shynyqtyrý-saýyqtyrý jáne sporttyq is-sharalardy ótkizýdi júzege asyratyn jeke adam; 10) dene shynyqtyrý jáne sport júıesi – halyqqa dene tárbıesin berý jáne dene shynyqtyrý men sportty damytý maqsatyndaǵy qyzmetti júzege asyratyn jeke jáne zańdy tulǵalardyń jıyntyǵy; 11) dene shynyqtyrý jáne sport salasyndaǵy maman – dene shynyqtyrý jáne sport salasyndaǵy qyzmetti júzege asyratyn jeke adam; 12) dene shynyqtyrý men sport salasyndaǵy ýákiletti organ – dene shynyqtyrý men sport salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ; 13) dene shynyqtyrý-saýyqtyrý jáne sport ǵımarattary – jeke adamdardyń dene jattyǵýlarymen, sportpen aınalysýyna jáne sporttyq is-sharalardy ótkizýge arnalǵan, arnaıy jabdyqtalǵan (sonyń ishinde sporttyq múkammalmen) obektiler (alańdar, úıler, ǵımarattar); 14) dene shynyqtyrý-sport uıymy – negizgi qyzmet túri retinde dene shynyqtyrý men sport salasyndaǵy qyzmetti júzege asyratyn zańdy tulǵa; 15) Dúnıejúzilik ýnıversıada – ártúrli sport túrleri boıynsha stýdentter arasynda ótkiziletin keshendi halyqaralyq qysqy jáne jazǵy jarystar; 16) jattyqtyrýshy, jattyqtyrýshy-oqytýshy – sporttyq kásiptik bilimi bar, sporttyq nátıjelerge qol jetkizýi úshin sportshyny daıarlaýdyń oqý-jattyǵý prosesin jáne onyń jarystastyq qyzmetine basshylyqty júzege asyratyn jeke adam; 17) jattyqtyrýshyny, sport dárigerin qyzmetin atqarýdan shettetý – jattyqtyrýshyny, sport dárigerin dopıngti paıdalanǵany, halyqaralyq jáne respýblıkalyq sport uıymdary (federasııalary) bekitken normalardy buzǵany, sondaı-aq minez-qulyqtyń moraldyq-etıkalyq normalaryn jáne Qazaqstan Respýblıkasynyń dene shynyqtyrý men sport salasyndaǵy zańnamasynda belgilengen mindetterdi buzǵany úshin eńbek (kásibı) qyzmetinen shettetý; 18) joǵary dárejedegi sportshy – sport túri boıynsha Qazaqstan Respýblıkasy qurama komandasynyń (sport túri boıynsha ulttyq qurama komandanyń) múshesi bolyp tabylatyn jáne (nemese) «Qazaqstan Respýblıkasynyń sport sheberinen» tómen emes sporttyq ataǵy bar sportshy; 19) joǵary jetistikter sporty – sportshylardyń sporttyq jarystarda barynsha joǵary sporttyq nátıjelerge nemese jeńisterge qol jetkizýin kózdeıtin sport salasy; 20) kásipqoı sport – sporttyq oıyn-saýyq is-sharalaryn (jarystardy) uıymdastyrýǵa jáne ótkizýge baǵyttalǵan, olarǵa daıyndalǵany jáne qatysqany úshin sportty kásibı qyzmeti retinde tańdaǵan sport­shylar Qazaqstan Respýblıkasynyń azamattyq zańna­masyna sáıkes syıaqy alatyn sporttyń quramdas bóligi; 21) keshendi ǵylymı top – sportshynyń fýnksıo­naldyq jaı-kúıin, rezervtik múmkindikterin, daıarly­ǵynyń psıhologııalyq jáne tehnıkalyq deńgeıin baǵalaýǵa baǵyttalǵan ǵylymı-ádistemelik, medısınalyq-bıologııalyq, psıhologııalyq zertteýler júrgizý úshin qurylatyn bilikti mamandar toby; 22) Qazaqstan Respýblıkasy Tuńǵysh Prezıdentiniń – Elbasynyń testileri – balalardyń, jastardyń jáne eresek turǵyndardyń dene shynyqtyrý daıarlyǵyna qoıylatyn normatıvtik talaptardyń jıyntyǵy; 23) mektep sporty – bastaýysh, negizgi orta jáne jalpy orta bilim beretin bilim berý uıymdarynda oqıtyn­dardyń dene tárbıesine, olardy sporttyq is-sharalarǵa qatysýǵa daıarlaýǵa baǵyttalǵan sporttyń bir bóligi; 24) mekteptegi sporttyq lıga – maqsaty mektep sportyn keńinen taratýǵa jáne bir nemese birneshe sport túrin damytýǵa járdemdesý, mektep oqýshylarymen sporttyq is-sharalardy uıymdastyrý jáne ótkizý bolyp tabylatyn mektep oqýshylary arasyndaǵy sporttyq qozǵalys; 25) memlekettik jattyqtyrýshy – Qazaqstan Respýblıkasynyń aýmaǵynda sport túrin (túrlerin) damytý jónindegi memlekettik saıasatty iske asyrý boıynsha fýnksııalar men is-sharalardy júzege asyratyn jattyqtyrýshy; 26) múgedek sportshy – tynys - tirshiliginiń shektelýine ákep soqtyratyn aýrýlardan, jaraqattardan, olardyń saldarlarynan, kemistikterden organızm fýnksııalary únemi buzylyp, densaýlyǵy nasharlaǵan jáne sporttyń qoljetimdi túrimen (qoljetimdi túrlerimen) aınalysatyn jeke adam; 27) múgedek sportshylardy synyptaý – múgedek sportshylarǵa fýnksıonaldyq múmkindikter deńgeıi ózderine uqsas basqa múgedek sportshylarmen jarysqa túsý múmkindigin jasaý maqsatynda synyptaýshynyń nemese synyptaýshylar tobynyń olardyń dárejesin (synyptamalyq sanatyn) aıqyndaý prosesi; 28) nusqaýshy-sportshy – sporttyq qyzmetin Qazaqstan Respýblıkasynyń eńbek zańnamasyna sáıkes eńbekaqy tólemi shartymen júzege asyratyn sportshy; 29) oqý-jattyǵý jıyny – sportshylardyń sporttyq sheberligin jáne oqý-jattyǵý prosesiniń sapasyn arttyrý maqsatynda uıymdastyrylǵan ortalyqtandyrylǵan is-shara; 30) Paralımpıadalyq oıyndar – tirek-qozǵalý apparaty men kórý organdary zaqymdanǵan múgedek sportshylar arasynda ótkiziletin halyqaralyq qysqy jáne jazǵy jarystar; 31) sport – sporttyq jarystar jáne adamdy oǵan daıarlaýdyń arnaıy nysanynda qalyptasqan, sport túrleriniń jıyntyǵy retindegi áleýmettik-mádenı qyzmet salasy; 32) sport salasy – aıyrym belgileri bar jáne ózinde bir nemese birneshe sporttyq jarystar túri (baǵdarlamalary) qamtylatyn sport túriniń bir bóligi; 33) sport rezervi – joǵary sporttyq nátıjelerge qol jetkizýge áleýeti bar jas jáne jasóspirim jastaǵy sportshylar; 34) sport tóreshisi – arnaıy daıarlyqtan ótken jáne tıisti biliktilik sanatyn alǵan, sporttyq is-sharany uıymdastyrýshy sport túriniń qaǵıdalaryna jáne sporttyq is-sharanyń erejelerine (reglamentterine) sáıkes tórelikti qamtamasyz etýge ýákilettik bergen jeke adam; 35) sport túrleri boıynsha Qazaqstan Respýblı­kasynyń qurama komandalary (sport túrleri boıynsha ulttyq qurama komandalar) – halyqaralyq sporttyq jarystarǵa daıarlyqty júzege asyratyn jáne Qazaqstan Respýblıkasynyń Memlekettik Týy astynda qatysatyn sportshylar, jattyqtyrýshylar, otandyq jáne sheteldik mamandar ujymdary; 36) Qazaqstan Respýblıkasynyń shtattyq qurama komandalary (sport túrleri boıynsha ulttyq shtattyq qurama komandalar) – Qazaqstan Respýblıkasynyń bıýdjet zańnamasynda kózdelgen qarjylyq sharttarmen sporttyq qyzmetti júzege asyratyn jáne Qazaqstan Respýblıkasynyń Memlekettik Týy astynda halyqaralyq sporttyq jarystarǵa qatysatyn sportshylar, jattyqtyrýshylar, otandyq jáne sheteldik mamandar ujymdary; 37) sport túri boıynsha Qazaqstan Respýblıkasy qurama komandasynyń (sport túri boıynsha ulttyq qurama komandanyń) bas jattyqtyrýshysy – sport túri boıynsha Qazaqstan Respýblıkasynyń qurama komandasyna (sport túri boıynsha ulttyq qurama komandaǵa) basshylyq jasaýǵa, onyń daıarlyǵyna, qalyptastyrylýyna jáne álem chempıonattaryna, Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa qatysýyna jaýap beretin jattyqtyrýshy; 38) sport túrleriniń tizilimi – Qazaqstan Respýb­lıkasynyń aýmaǵynda damyp otyrǵan sport túrleri men sport salalary týraly qaǵaz jáne elektrondyq jetkizgishterde tirkelgen málimetterdi qamtıtyn aqparattyq júıe; 39) sport túri – jattyǵý ortasy, jarystastyq qyzmetindegi dene shynyqtyrý jattyǵýlarynyń nemese ıntellektýaldyq qabiletterdiń jıyntyǵy jáne jarystar qaǵıdalary aıyrym belgileri bolyp tabylatyn sporttyń quramdas bóligi; 40) sporttaǵy tyıym salynǵan sýbstansııalar jáne (nemese) ádister (budan ári – dopıng) – Dopıngke qarsy dúnıejúzilik uıymnyń jáne Dopıngke qarsy dúnıejúzilik uıymnyń halyqaralyq standartynyń tyıym salynǵan tizimine engizilgen hımııalyq qospalar (zattar, dáriler) men ádister, onyń ishinde sportta paıdalanýǵa tyıym salynǵan sýbstansııalar jáne (nemese) ádister tizbelerine engizilgen sýbstansııalardy jáne (nemese) ádisti paıdalaný nemese paıdalanýǵa árekettený; 41) sporttyq-buqaralyq is-sharalardyń biryńǵaı kúntizbesi – halyqaralyq, respýblıkalyq jáne jergilik­ti deńgeılerdegi jyl saıynǵy jarystardyń, sondaı-aq jarystarǵa daıyndyq jónindegi is-sharalardyń tizbesi; 42) sporttyq jarys – uıymdastyrýshysy bekitken ereje (reglament) boıynsha ótkiziletin saıystyń úzdik qatysýshysyn anyqtaý maqsatynda sport túri (túrleri) boıynsha sportshylar nemese komandalar arasyndaǵy saıys; 43) sporttyq qyzmet týraly shart – sportshy, jattyqtyrýshy nemese dene shynyqtyrý jáne sport salasyndaǵy ózge de maman men dene shynyqtyrý-sport uıymy arasynda jasalatyn azamattyq-quqyqtyq shart; 44) sporttyq is-shara – sportshylardyń, jattyq­tyrýshylardyń jáne dene shynyqtyrý men sport salasyndaǵy mamandardyń qatysýymen ótkiziletin sporttyq jarys, oqý-jattyǵý jıyny; 45) sport federasııasy – sporttyń bir nemese birneshe túrin damytý maqsatynda qoǵamdyq birlestik nysanynda nemese qaýymdastyq (odaq) nysanyndaǵy zańdy tulǵalar birlestigi nysanynda qurylǵan kommersııalyq emes uıym; 46) sport federasııalaryn akkredıtteý – Qazaqstan Respýblıkasynyń aýmaǵynda sport túrin (túrlerin) damytý jónindegi sport federasııalarynyń quqyqty­lyqtaryn taný rásimi; 47) sportshy – sport túrimen (túrlerimen) júıeli túrde aınalysatyn jáne sport jarystaryna qatysatyn jeke adam; 48) sportshyny jarystan shyǵaryp tastaý – sportshyny sporttyq jarystarǵa qatysýdan shettetý, ony sport túriniń qaǵıdalaryn, sporttyq jarystardyń erejelerin (reglamentterin) buzǵany, dopıngti paıdalanǵany úshin, halyqaralyq sport uıymdary jáne (nemese) respýblıkalyq sport federasııalary bekitken normalardy buzǵany úshin, sondaı-aq Qazaqstan Respýblıkasynyń dene shynyqtyrý men sport salasyndaǵy zańnamasynda belgilengen minez-qulyqtyń moraldyq-etıkalyq normalary men mindetterdi buzǵany úshin respýblıkalyq sport federasııasy júzege asyrady; 49) sportshyny tirkeý – sportshyny tirkeý týraly kýálikti bere otyryp, federasııa ótkizetin nemese onyń qatysýymen ótkiziletin sporttyq jarystarǵa jáne ózge de sporttyq is-sharalarǵa qatysý quqyǵyn berý maqsatynda sport túri boıynsha sport federasııasy sportshynyń sporttyń osy túrimen aınalysatynyn tanıtyn rásim; 50) stýdenttik sport – joǵary kásiptik bilim berý uıymdarynda bilim alýshylardyń dene tárbıesine, olardy sporttyq is-sharalarǵa qatysýǵa daıarlaýǵa baǵyttalǵan sporttyń bir bóligi; 51) stýdenttik sport lıgasy – maqsaty stýdenttik sportty keńinen taratýǵa járdemdesý jáne sporttyń túrin (túrlerin) damytý, stýdenttermen sporttyq is-sharalardy uıymdastyrý jáne ótkizý bolyp tabylatyn stýdentter arasyndaǵy sporttyq qozǵalys; 52) Sýrdlımpıadalyq oıyndar – estý organdary zaqymdanǵan múgedek sportshylar arasynda ótkiziletin halyqaralyq qysqy jáne jazǵy jarystar; 53) synyptaýshy – múgedek sportshylardy olardyń fýnksıonaldyq múmkindikteriniń deńgeıine qaraı synyptaýdy júzege asyratyn, jarystardy uıymdastyrýshylar osyǵan ýákilettik bergen jáne tıisti qujatpen rastalǵan arnaıy daıarlyqtan ótken jeke tulǵa; 54) tehnıkalyq jáne qoldanbaly sport túrleri – sportshynyń tehnıkalyq quraldardy qoldana otyryp ótkiziletin jarystarǵa arnaıy daıarlyǵyn talap etetin sport túrleriniń bir bóligi; 55) ulttyq sport túrleri – jaryspaly áreket nysanynda tarıhı túrde qalyptasqan jáne ózine tán dene shynyqtyrý jattyǵýlaryn jáne dene shynyqtyrý belsendiligi uıymdastyrylýynyń ózindik qaǵıdalary men tásilderi bar halyq oıyndaryn bildiretin sport túrleri; 56) Halyqaralyq arnaýly olımpıadalyq oıyndar – ıntellektýaldyq múmkindikteri shekteýli múgedek sportshylar arasynda ótkiziletin halyqaralyq qysqy jáne jazǵy jarystar; 57) halyqaralyq sporttyq jarystar – sheteldik sportshylar (komandalar) qatysatyn sportshylar (komandalar) arasyndaǵy sport túri boıynsha ótetin saıystar. 2-bap. Dene shynyqtyrý jáne sport salasyn­daǵy memlekettik saıasattyń qaǵıdattary men min­detteri 1. Qazaqstan Respýblıkasyndaǵy dene shynyqtyrý jáne sport salasyndaǵy memlekettik saıasat: 1) barlyq jeke adamdar úshin dene shynyqtyrýmen jáne sportpen aınalysý teńdigi jáne olardyń jalpyǵa birdeı qoljetimdiligi; 2) halyqtyń ártúrli jas toptaryna dene tárbıesin berýdiń úzdiksizdigi men sabaqtastyǵy; 3) dene shynyqtyrýmen jáne sportpen aınalysýdyń eriktiligi; 4) dene shynyqtyrý-sporttyq is-sharalardyń saýyqtyrý baǵyty; 5) dene shynyqtyrýmen, áýesqoı jáne kásipqoı sportpen aınalysýǵa teń qurmet kórsetý; 6) kemsitýshilikke tyıym salý jáne qatigezdikti, zorlyq-zombylyqty jáne adamnyń qadir-qasıetin qorlaýdy nasıhattaýǵa jol bermeý; 7) halyqaralyq sporttyq jarystarda Qazaqstan Respýblıkasynyń namysyn qorǵaıtyn joǵary jetistikter sportynyń basymdyǵy; 8) beıimdik dene shynyqtyrý men sportty damytýǵa járdemdesý qaǵıdattary negizinde júrgiziledi. 2. Dene shynyqtyrý jáne sport salasyndaǵy memlekettik saıasattyń mindetteri: 1) dene shynyqtyrýmen jáne sportpen aınalysatyn adamdardyń, sondaı-aq dene shynyqtyrý-saýyqtyrý jáne sporttyq is-sharalardyń qatysýshylary men kórermenderiniń ómiri men densaýlyǵynyń qaýipsizdigin qamtamasyz etý jáne sporttyq-buqaralyq is-sharalardy ótkizý oryndarynda qoǵamdyq tártipti saqtaý; 2) ulttyq, tehnıkalyq jáne qoldanbaly sport túrlerin damytý; 3) dene shynyqtyrý men sportty qoldaý jáne yntalandyrý; 4) dene shynyqtyrý jáne sport salasyn zertteý úshin ǵylymı bazany damytý; 5) áleýmettik jáne bilim berý fýnksııalaryn, son­daı-aq erikti qyzmet qaǵıdatyna negizdelgen olar­dyń qurylymynyń ereksheligin eskere otyryp, sport­tyń barlyq túrlerin damytýǵa járdemdesý bolyp tabylady. 3-bap. Qazaqstan Respýblıkasynyń dene shynyq­tyrý jáne sport salasyndaǵy zańnamasy 1. Qazaqstan Respýblıkasynyń dene shynyqtyrý jáne sport salasyndaǵy zańnamasy Qazaqstan Respýblıkasynyń Konstıtýsııasyna negizdeledi, osy Zańnan jáne Qazaqstan Respýblıkasynyń ózge de normatıvtik quqyqtyq aktilerinen turady. 2. Eger Qazaqstan Respýblıkasy ratıfıkasııalaǵan halyqaralyq shartta osy Zańda kózdelgennen ózge qaǵıdalar belgilense, onda halyqaralyq sharttyń qaǵıdalary qoldanylady. 4-bap. Dene shynyqtyrý jáne sport salasyndaǵy memlekettik qoldaý Dene shynyqtyrý jáne sport salasyndaǵy memlekettik qoldaý: 1) memlekettik saıasatty qalyptastyrý, onyń júıe­sin qurý, sondaı-aq tıisti normatıvtik-quqyqtyq, qarjylyq, materıaldyq-tehnıkalyq, kadrlyq, ǵylymı-ádistemelik, medısınalyq, aqparattyq qamtamasyz etý arqyly dene shynyqtyrý jáne sport salasyndaǵy qatynastardy retteý; 2) dene shynyqtyrý-sport uıymdarynyń syrtqy baılanystaryn damytýǵa, olardyń Qazaqstan Respýblıkasynda dene shynyqtyrý-sporttyq qozǵalystyń damýyna yqpal etetin halyqaralyq sport uıymdaryna kirigýine qoldaý kórsetý; 3) Qazaqstan Respýblıkasynyń zańnamasyna sáıkes sport ǵımarattaryn jobalaýǵa, salýǵa jáne paıdalanýǵa óz qarajatyn salatyn otandyq jáne sheteldik ınvestorlarǵa qolaıly ınvestısııalyq ahýal jasaý arqyly júzege asyrylady. 5-bap. Jeke adamdardyń dene shynyqtyrý jáne sport salasyndaǵy quqyqtary Qazaqstan Respýblıkasy azamattarynyń, Qazaqstan Respýblıkasyndaǵy sheteldikter men azamattyǵy joq adamdardyń: 1) dene shynyqtyrýmen jáne sportpen aınalysýǵa; 2) dene shynyqtyrý-saýyqtyrý jáne sporttyq baǵyttaǵy qoǵamdyq birlestikterge kirýge; 3) memlekettik jáne jekeshe sport ǵımarattaryn jáne kórsetiletin qyzmetterdi paıdalanýǵa quqyǵy bar. 2-taraý. DENE ShYNYQTYRÝ JÁNE SPORT SALASYNDAǴY MEMLEKETTIK RETTEÝ 6-bap. Qazaqstan Respýblıkasy Úkimetiniń dene shynyqtyrý jáne sport salasyndaǵy quzyreti Qazaqstan Respýblıkasynyń Úkimeti: 1) dene shynyqtyrý jáne sport salasyndaǵy memlekettik saıasattyń negizgi baǵyttaryn ázirleıdi jáne olardyń júzege asyrylýyn uıymdastyrady; 2) sport federasııalaryn akkredıtteý qaǵıdalaryn bekitedi; 3) Qazaqstan Respýblıkasynyń aýmaǵynda jáne odan tys jerlerde ótkiziletin sporttyq is-sharalarǵa daıarlyq jáne olarǵa qatysý kezeńinde sportshylardy, jattyqtyrýshylardy jáne dene shynyqtyrý men sport salasyndaǵy mamandardy, barlyq sanattaǵy áskerı qyzmetshiler men quqyq qorǵaý jáne arnaýly memlekettik organdardyń qyzmetkerlerin materıaldyq qamtamasyz etý normatıvterin bekitedi; 4) halyqaralyq sporttyq jarystardyń tizbesin, halyqaralyq sporttyq jarystardyń chempıondary men júldegerlerine, sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) jattyqtyrýshylary men múshelerine aqshalaı kótermeleý tólemderiniń qaǵıdalaryn bekitedi jáne olardyń mólsherin belgileıdi; 5) sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý qaǵıdalaryn bekitedi jáne olardyń mólsherin belgileıdi; 6) Qazaqstan Respýblıkasy Tuńǵysh Prezıdentiniń – Elbasynyń testilerin ótkizý qaǵıdalaryn bekitedi; 7) sport túrleri boıynsha Qazaqstan Respýblı­kasynyń qurama komandalaryn (sport túrleri boıynsha ulttyq qurama komandalardy) Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa daıarlaý jónindegi uıymdastyrý komıtetteriniń quramdaryn bekitedi; 8) sport túrlerinde paıdalanylatyn janýarlar men qustardyń jem-azyǵy normatıvterin bekitedi; 9) ózine Konstıtýsııamen, osy Zańmen, Qazaqstan Respýblıkasynyń ózge de zańdarymen jáne Qazaqstan Respýblıkasy Prezıdentiniń aktilerimen júktelgen ózge de fýnksııalardy atqarady. 7-bap. Dene shynyqtyrý jáne sport salasyndaǵy ýákiletti organnyń quzyreti Dene shynyqtyrý jáne sport salasyndaǵy ýákiletti organ: 1) dene shynyqtyrý jáne sport salasyndaǵy memlekettik saıasattyń iske asyrylýyn qamtamasyz etedi; 2) óz quzyreti sheginde dene shynyqtyrý jáne sport salasyndaǵy basshylyqty, salaaralyq úılestirýdi jáne memlekettik baqylaýdy júzege asyrady; 3) memlekettik statıstıka salasyndaǵy ýákiletti organmen kelisý boıynsha dene shynyqtyrý jáne sport salasynda ákimshilik derekterdi jınaýǵa arnalǵan nysandardy ázirleıdi jáne bekitedi; 4) vedomstvolyq statıstıkalyq baqylaýlar júrgizedi; 5) salalyq kótermeleý júıesin ázirleıdi jáne be­kitedi; 6) dene shynyqtyrý jáne sport salasyndaǵy kadrlardy daıarlaýdy, qaıta daıarlaýdy, olardyń biliktiligin arttyrýdy uıymdastyrady; 7) akkredıttelgen respýblıkalyq federasııalarmen birlese otyryp, sport túrleri, onyń ishinde ulttyq, tehnıkalyq jáne qoldanbaly túrleri boıynsha, buqaralyq sport boıynsha, sondaı-aq ardager sportshylar arasynda respýblıkalyq jáne halyqaralyq jarystar ótkizedi; 8) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerin halyq­aralyq sporttyq jarystarǵa daıarlaýdy jáne olardyń qatysýyn uıymdastyrady jáne júzege asyrady; 9) dene shynyqtyrý jáne sport salasyndaǵy ǵylymı zertteýlerdi, olardyń nátıjelerin Qazaqstan Respýblıkasynyń zańnamasyna sáıkes dene shynyqtyrý jáne sport praktıkasyna engizýdi uıymdastyrady jáne úılestiredi; 10) Qazaqstan Respýblıkasynyń dopıngke qarsy qaǵıdalaryn ázirleıdi jáne bekitedi; 11) sportta dopıngke qarsy is-sharalardyń júrgizilýine baqylaýdy júzege asyrady; 12) sportshylar men jattyqtyrýshylarǵa: «Qazaqstan Respýblıkasynyń eńbek sińirgen sport sheberi», «Qazaqstan Respýblıkasynyń halyqaralyq dárejedegi sport sheberi», «Qazaqstan Respýblıkasynyń sport sheberi», «Qazaqstan Respýblıkasynyń eńbek sińirgen jattyqtyrýshysy» sporttyq ataqtaryn beredi; 13) mynadaı: biliktiligi joǵary deńgeıdegi joǵary sanatty jattyqtyrýshy, biliktiligi orta deńgeıdegi joǵary sanatty jattyqtyrýshy, biliktiligi joǵary deńgeıdegi joǵary sanatty ádisker, biliktiligi orta deńgeıdegi joǵary sanatty ádisker, biliktiligi joǵary deńgeıdegi joǵary sanatty nusqaýshy-sportshy, joǵary sanatty ulttyq sport tóreshisi, ulttyq sport tóreshisi biliktilik sanattaryn beredi; 14) respýblıkalyq jáne óńirlik sport federasııalaryn akkredıtteýdi júzege asyrady; 15) Qazaqstan Respýblıkasy Tuńǵysh Prezıdentiniń – Elbasynyń testilerin ótkizý qaǵıdalaryn ázirleıdi; 16) Qazaqstan Respýblıkasynyń aýmaǵynda jáne odan tys jerlerde ótkiziletin sporttyq is-sharalarǵa daıarlyq jáne oǵan qatysý kezeńinde sportshylardy, jattyqtyrýshylardy jáne dene shynyqtyrý men sport salasyndaǵy mamandardy, barlyq sanattaǵy áskerı qyzmetshiler men quqyq qorǵaý jáne arnaýly memlekettik organdardyń qyzmetkerlerin materıaldyq qamtamasyz etý normatıvterin ázirleıdi; 17) oqý-jattyǵý prosesi men sporttyq is-sharalar kezeńinde sportshylardy, onyń ishinde barlyq sanattaǵy áskerı qyzmetshilerdi jáne quqyq qorǵaý jáne arnaýly memlekettik organdardyń qyzmetkerlerin tamaqtandyrý jáne farmakologııalyq qamtamasyz etý normatıvteriniń ádistemesin bekitedi; 18) halyqaralyq jarystardyń tizbesin, halyq­aralyq sporttyq jarystardyń chempıondary men júldegerlerin, sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) jattyqtyrýshylary men múshelerin aqshalaı kóter­meleý tólemderiniń qaǵıdalaryn ázirleıdi, sondaı-aq Qazaqstan Respýblıkasynyń Úkimetine olardyń mólsheri týraly usynystar engizedi; 19) sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleý qaǵıdalaryn ázirleıdi, Qazaqstan Respýblıkasynyń Úkimetine olardyń mólsheri týraly usynystar engizedi jáne tólemderin qamtamasyz etedi; 20) dene shynyqtyrý jáne sport sabaqtaryn júrgizý kezindegi qaýipsizdik qaǵıdalaryn bekitedi; 21) sporttyq ataqtardy, razrıadtardy jáne biliktilik sanattaryn berý normalary men talaptaryn bekitedi; 22) sport túrleri boıynsha keshendi nysanaly baǵdarlamalardy jáne sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) sportshylaryn daıarlaýdyń jeke josparlaryn bekitedi; 23) akkredıttelgen respýblıkalyq federasııalardyń usynystary boıynsha jattyqtyrýshylarǵa jáne sport tóreshilerine attestattaý júrgizý qaǵıdalaryn bekitedi; 24) sport rezervin jáne joǵary dárejeli sportshylardy daıarlaý júzege asyrylatyn dene shynyqtyrý-sport uıymdary úshin sport túrleri boıynsha baǵdarlamalardy bekitedi; 25) sporttyq ataqtar, razrıadtar jáne biliktilik sanattaryn berý qaǵıdalaryn bekitedi; 26) jarystar túrleriniń, oqý-jattyǵý jıyndarynyń tizbesin bekitedi jáne olardyń synyptamasyn aıqyndaıdy; 27) sporttyq is-sharalardy ótkizý qaǵıdalaryn bekitedi; 28) sportshynyń bir dene shynyqtyrý-sport uıy­mynan basqa dene shynyqtyrý-sport uıymyna aýysý qaǵıdalaryn bekitedi; 29) sport federasııalaryn akkredıtteý qaǵıdalaryn ázirleıdi; 30) akkredıttelgen respýblıkalyq sport federa­sııalarynyń usynýymen sport túrleri boıynsha Qazaqstan Respýblıkasynyń qurama jáne shtattyq qurama komandalarynyń (sport túrleri boıynsha ulttyq qurama komandalardyń) quramdaryn jyl saıyn bekitedi; 31) sport túrleri boıynsha Qazaqstan Respýb­lıkasynyń qurama jáne shtattyq qurama koman­dalarynyń (sport túrleri boıynsha ulttyq qurama komandalardyń) quramdaryn qalyptastyrý qaǵıdalaryn bekitedi; 32) sport rezervi jáne joǵary dárejedegi sportshylardy daıarlaý boıynsha oqý-jattyǵý prosesin júzege asyratyn dene shynyqtyrý-sport uıymdarynda sporttyń túrleri boıynsha sportshylardyń jas shamasyn bekitedi; 33) akkredıttelgen respýblıkalyq sport federa­sııalarynyń usynýymen sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) bas jattyqtyrýshylaryn jáne memlekettik jattyq­tyrýshylardy laýazymǵa taǵaıyndaıdy jáne laýazymnan bosatady; 34) densaýlyq saqtaý salasyndaǵy ýákiletti organmen kelisý boıynsha sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerine olardyń halyqaralyq sporttyq jarystarda jaraqattar alýy jáne mertigýi kezinde ótemaqy tólemderin tóleý qaǵıdalaryn ázirleıdi jáne bekitedi; 35) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerine olardyń halyqaralyq sporttyq jarystarda sporttyq jaraqattar alýy jáne mertigýi kezinde ótemaqy tólemderin tóleýdi júzege asyrady; 36) sport túrleri boıynsha Qazaqstan Respýblıkasy qurama komandalarynyń (sport túrleri boıynsha ulttyq qurama komandalardyń) múshelerin halyqaralyq sporttyq jarystarǵa daıarlaý jáne oǵan qatysý kezinde saqtandyrýdy qamtamasyz etedi; 37) sport túrlerin, sport salalaryn taný jáne sport túrleriniń tizilimin qalyptastyrý qaǵıdalaryn bekitedi; 38) sporttyq-buqaralyq is-sharalardyń biryńǵaı kúntizbesin qalyptastyrý qaǵıdalaryn bekitedi; 39) respýblıkalyq akkredıttelgen sport federa­sııalarynyń usynystary boıynsha sporttyq-buqaralyq is-sharalardyń biryńǵaı respýblıkalyq kúntizbesin bekitedi jáne onyń iske asyrylýyn qamtamasyz etedi; 40) oqý-jattyǵý prosesi, sport rezervin jáne joǵary dárejedegi sportshylardy daıarlaý júzege asyrylatyn dene shynyqtyrý-sport uıymdary úshin úlgilik shtattardy bekitedi; 41) dene shynyqtyrý-saýyqtyrý jáne sport ǵımarattarynyń paıdalanylýyn úılestiredi; 42) sport mektepterine, sport mektepteriniń bólimshelerine «mamandandyrylǵan» degen mártebe beredi; 43) sport mektepterine jáne sport mektepteriniń bólimshelerine «mamandandyrylǵan» degen mártebe berý qaǵıdalaryn bekitedi; 44) dene shynyqtyrý-saýyqtyrý jáne sport ǵımarattarynyń tizilimin júrgizedi; 45) sportshylarǵa, jattyqtyrýshylarǵa, dene shynyqtyrý jáne sport salasyndaǵy mamandar men dene shynyqtyrý-sport uıymdaryna «Úzdik» nomınasııasynda ataqtar berý qaǵıdalaryn bekitedi; 46) buqaralyq aqparat quraldary salasyndaǵy ýákiletti organmen kelisý boıynsha «Úzdik sport jýrnalısi» ataǵyn berý qaǵıdalaryn ázirleıdi; 47) sport rezervi men joǵary dárejeli sportshylardy daıarlaý jónindegi oqý-jattyǵý prosesi júzege asyrylatyn dene shynyqtyrý-sport uıymdary túrleriniń tizbesin jáne olardyń qyzmeti qaǵıdalaryn bekitedi; 48) bilim berý salasyndaǵy ýákiletti organmen kelisý boıynsha olımpıadalyq rezervtiń respýblıkalyq mamandandyrylǵan mektep-ınternattar-kolledjderi jáne sporttaǵy daryndy balalarǵa arnalǵan oblystyq mektep-ınternattar qyzmetiniń qaǵıdalaryn bekitedi; 49) olımpıadalyq rezervtiń respýblıkalyq mamandandyrylǵan mektep-ınternat-kolledjderi, sporttaǵy daryndy balalarǵa arnalǵan oblystyq mektep-ınternattar úshin sport túrleri boıynsha bilim berýdiń úlgilik oqý baǵdarlamalaryn bekitedi jáne olımpıadalyq rezervtiń respýblıkalyq mamandandyrylǵan mektep-ınternat-kolledjderiniń oqý baǵdarlamalaryn kelisedi; 50) olımpıadalyq rezervtiń respýblıkalyq mamandandyrylǵan mektep-ınternat-kolledjderi jáne sporttaǵy daryndy balalarǵa arnalǵan oblystyq mektep-ınternattar úshin sport túrleri boıynsha úlgilik oqý josparlaryn bekitedi jáne olımpıadalyq rezervtiń respýblıkalyq mamandandyrylǵan mektep-ınternat-kolledjderiniń oqý josparlaryn kelisedi; 51) sport túrlerinde paıdalanylatyn janýarlar men qustardyń jem-azyǵy normatıvterin ázirleıdi; 52) joǵary dárejeli sportshylarmen, joǵary dárejeli sportshylardy daıarlaýdy júzege asyratyn jattyqtyrýshylarmen jáne dene shynyqtyrý jáne sport salasyndaǵy mamandarmen sporttyq qyzmet týraly sharttar boıynsha aqsha tóleminiń mólsherin bekitedi; 53) halyqaralyq jáne respýblıkalyq sporttyq jarystardyń erejelerin (reglamentterin) bekitedi; 54) sporttyq is-sharalardyń shyǵystar qurylymyn bekitedi; 55) densaýlyq saqtaý salasyndaǵy ýákiletti organmen kelisý boıynsha múgedek sportshylarǵa synyptaý júrgizýdiń tártibi men sharttaryn bekitedi; 56) sport túrleri boıynsha Qazaqstan Respýblı­kasynyń qurama komandalaryn (sport túrleri boıynsha ulttyq qurama komandalardy) Olımpıada, Paralımpıada, Sýrdlımpıada oıyndaryna jáne basqa da halyqaralyq jarystarǵa daıarlaý jónindegi uıymdastyrý komıtetteriniń quramdary boıynsha usynystar engizedi; 57) halyqaralyq jáne respýblıkalyq deńgeıdegi jarys­tardy ótkizýge arnalǵan sport ǵımarattaryn jobalaýǵa tehnıkalyq erekshelikter men tehnıkalyq tapsyrmany akkredıttelgen respýblıkalyq sport federasııalarymen kelisedi; 58) óz quzyreti sheginde Qazaqstan Respýblıkasynyń dene shynyqtyrý jáne sport salasyndaǵy halyqaralyq sharttaryn ázirleıdi, jasasady, olardyń oryndalýyn qamtamasyz etedi, halyqaralyq sport uıymdarynda jáne halyqaralyq sporttyq is-sharalarda Qazaqstan Respýblıkasynyń atynan ókildik etedi; 59) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 8-bap. Jergilikti atqarýshy organdardyń, qaladaǵy aýdan, aýdandyq mańyzy bar qala, aýyldyq okrýg, kent jáne aýyl ákimderiniń quzyreti 1. Oblystyń, respýblıkalyq mańyzy bar qalanyń, astananyń jergilikti atqarýshy organy: 1) jeke adamdardyń turǵylyqty jeri boıynsha jáne olardyń kópshilik demalatyn oryndarda sportpen shuǵyldanýy úshin ınfraqurylym jasaıdy; 2) akkredıttelgen respýblıkalyq jáne (nemese) jergilikti sport federasııalarymen birlesip, sport túrleri, onyń ishinde ulttyq, tehnıkalyq jáne qoldanbaly túrleri, buqaralyq sport boıynsha, sondaı-aq ardager sportshylar arasynda oblystyq, respýblıkalyq mańyzy bar qalalyq, astanalyq sport jarystaryn ótkizedi; 3) sport túrleri boıynsha oblystyq, respýblıkalyq mańyzy bar qalalyq, astanalyq qurama komandalardy daıarlaýdy jáne olardyń respýblıkalyq jáne halyqaralyq sporttyq jarystarda óner kórsetýin qamtamasyz etedi; 4) tıisti ákimshilik-aýmaqtyq birlik aýmaǵynda buqaralyq sportty jáne ulttyq sport túrlerin damytýdy qamtamasyz etedi; 5) oblys, respýblıkalyq mańyzy bar qala, astana aýmaǵynda dene shynyqtyrý-sport uıymdarynyń qyzmetin úılestiredi; 6) oblys, respýblıkalyq mańyzy bar qala, astana aýmaǵynda sport ǵımarattaryn salý máselelerin úılestiredi jáne olardyń halyqqa qoljetimdiligin qamtamasyz etedi; 7) bilim berý uıymdarynyń sport ǵımarattaryn sabaqtan tys jáne keshki ýaqytta halyq úshin sport seksııalarynyń jumysyn qamtamasyz etý jáne sporttyq is-sharalar ótkizý maqsatynda paıdalaný jóninde sharalar qoldanady; 8) sportshylarǵa: Qazaqstan Respýblıkasynyń sport sheberligine kandıdat, 1-razrıadty sportshy sporttyq razrıadtaryn beredi; 9) mynadaı: biliktiligi joǵary deńgeıdegi birinshi sanatty jattyqtyrýshy, biliktiligi orta deńgeıdegi birinshi sanatty jattyqtyrýshy, biliktiligi joǵary deńgeıdegi birinshi sanatty ádisker, biliktiligi orta deńgeıdegi birinshi sanatty ádisker, biliktiligi joǵary deńgeıdegi birinshi sanatty nusqaýshy-sportshy, birinshi sanatty sport tóreshisi biliktilik sanattaryn beredi; 10) akkredıttelgen óńirlik jáne jergilikti sport federasııalarynyń usynystary boıynsha sporttyq-buqaralyq is-sharalardyń biryńǵaı óńirlik kúntizbesin bekitedi jáne onyń iske asyrylýyn qamtamasyz etedi; 11) tıisti ákimshilik-aýmaqtyq birlik aýmaǵynda sporttyq is-sharalardy uıymdastyrýdy jáne ótkizýdi úılestiredi; 12) tıisti ákimshilik-aýmaqtyq birliktiń aýmaǵynda dene shynyqtyrý men sportty damytý jónindegi aqparatty jınaýdy, taldaýdy júzege asyrady jáne Qazaqstan Respýblıkasynyń zańnamasynda belgilengen nysanda jáne merzimderde dene shynyqtyrý jáne sport salasyndaǵy ýákiletti organǵa usynady; 13) jergilikti sport federasııalaryn akkredıtteýdi júzege asyrady; 14) sporttaǵy daryndy balalarǵa arnalǵan oblystyq mektep-ınternattar úshin sport túrleri boıynsha bilim berýdiń úlgilik oqý baǵdarlamalaryn iske asyrady; 15) sporttaǵy daryndy balalarǵa arnalǵan oblystyq mektep-ınternattardyń úlgilik oqý josparlaryn kelisedi; 16) akkredıttelgen óńirlik jáne jergilikti sport federasııalarynyń usynystary boıynsha sport túrleri boıynsha oblystyq, respýblıkalyq mańyzy bar qalanyń, astananyń qurama komandalarynyń tizimderin qalyptastyrady jáne bekitedi; 17) osy Zańǵa sáıkes Olımpıada, Paralımpıada jáne Sýrdlımpıada oıyndarynyń chempıondary men júldegerlerin turǵyn úımen qamtamasyz etedi; 18) dene shynyqtyrý jáne sport salasyndaǵy ýákiletti organmen kelisý boıynsha oblystyq, respýblıkalyq mańyzy bar qalanyń, astananyń dene shynyqtyrý jáne sport jónindegi basqarý organynyń birinshi basshysyn laýazymǵa taǵaıyndaıdy; 19) resmı dene shynyqtyrý jáne sport is-sharalaryn medısınalyq qamtamasyz etýdi uıymdastyrady; 20) dene shynyqtyrý jáne sport is-sharalaryn ótkizý kezinde qoǵamdyq tártip pen qoǵamdyq qaýipsizdikti qamtamasyz etedi; 21) jergilikti memlekettik basqarý múddelerinde Qazaqstan Respýblıkasynyń zańnamasymen jergilikti atqarýshy organdarǵa júkteletin ózge de ókilettikterdi júzege asyrady. 2. Aýdannyń, oblystyq mańyzy bar qalanyń jergilikti atqarýshy organy: 1) jeke adamdardyń turǵylyqty jeri boıynsha jáne olardyń kópshilik demalý oryndarynda sportpen shuǵyldanýy úshin ınfraqurylym jasaıdy; 2) akkredıttelgen jergilikti sport federasııalarymen birlesip, sport túrleri boıynsha aýdandyq, oblystyq mańyzy bar qalalyq sporttyq jarystardy ótkizedi; 3) sport túrleri boıynsha aýdandyq, oblystyq mańyzy bar qalalyq qurama komandalardy daıarlaýdy jáne olardyń oblystyq sporttyq jarystarǵa qatysýyn qamtamasyz etedi; 4) tıisti ákimshilik-aýmaqtyq birlik aýmaǵynda buqaralyq sportty jáne ulttyq sport túrlerin damytýdy qamtamasyz etedi; 5) tıisti ákimshilik-aýmaqtyq birlik aýmaǵynda aýdandyq, oblystyq mańyzy bar qalalyq dene shynyqtyrý-sport uıymdarynyń qyzmetin úılestiredi; 6) sportshylarǵa: 2-razrıadty sportshy, 3-razrıadty sportshy, 1-jasóspirimdik-razrıadty sportshy, 2-jasóspirimdik-razrıadty sportshy, 3-jasóspirimdik-razrıadty sportshy sporttyq razrıadtaryn beredi; 7) mynadaı: biliktiligi joǵary deńgeıdegi ekinshi sanatty jattyqtyrýshy, biliktiligi orta deńgeıdegi ekinshi sanatty jattyqtyrýshy, biliktiligi joǵary deńgeıdegi ekinshi sanatty ádisker, biliktiligi orta deńgeıdegi ekinshi sanatty ádisker, biliktiligi joǵary deńgeıdegi ekinshi sanatty nusqaýshy-sportshy, sport tóreshisi biliktilik sanattaryn beredi; 8) sporttyq-buqaralyq is-sharalardyń biryńǵaı óńirlik kúntizbesin iske asyrady; 9) tıisti ákimshilik-aýmaqtyq birlik aýmaǵynda sporttyq is-sharalardy uıymdastyrýdy jáne ótkizýdi úılestiredi; 10) tıisti ákimshilik-aýmaqtyq birliktiń aýmaǵynda dene shynyqtyrý men sportty damytý jónindegi aqparatty jınaýdy, taldaýdy júzege asyrady jáne Qazaqstan Respýblıkasynyń zańnamasynda belgilengen nysanda jáne merzimderde oblystyń, respýblıkalyq mańyzy bar qalanyń, astananyń jergilikti atqarýshy organyna usynady; 11) akkredıttelgen óńirlik jáne jergilikti sport federasııalarynyń usynystary boıynsha sport túrleri boıynsha aýdandyq, oblystyq mańyzy bar qalalardyń qurama komandalarynyń tizimderin qalyptastyrady jáne bekitedi; 12) osy Zańǵa sáıkes Olımpıada, Paralımpıada jáne Sýrdlımpıada oıyndarynyń chempıondary men júldegerlerin turǵyn úımen qamtamasyz etedi; 13) resmı dene shynyqtyrý jáne sport is-sharalaryn medısınalyq qamtamasyz etýdi uıymdastyrady; 14) dene shynyqtyrý jáne sport is-sharalaryn ótkizý kezinde qoǵamdyq tártip pen qoǵamdyq qaýipsizdikti qamtamasyz etedi; 15) jergilikti memlekettik basqarý múddelerinde Qazaqstan Respýblıkasynyń zańnamasym