Qoljetimdi sıfrlyq qujat

Bul – sheteldiktiń Qazaqstanda turaqty turýǵa quqyǵyn rastaıtyn qujat. Ony resimdeý úshin el aýmaǵynda turaqty turýǵa ruqsat alý qajet.

«eGov Mobile qosymshasy jetistikteriniń biri – «Sıfrlyq qujattar» bólimi. Biz el tur­ǵyndary men Qazaqstanda turýǵa qu­qyǵy bar sheteldikterge yń­ǵaı­ly bolý úshin ómirlik qa­jetti qujattardyń barlyǵyn sıfr­lyq formatqa kóshirip ja­tyrmyz. Endi «Sheteldiktiń turýyna yqtııarhaty» sıfrlyq qu­jaty mo­bıldi qosymshada qoljetimdi. Shet­eldikter bul elek­­trondyq qu­jatty talap etý orny boıynsha barlyq jerde qaǵaz qujatpen qatar paıdalana alady», dedi «Ult­tyq aq­parattyq tehnologııa­lar» AQ bas­­qarma tóraǵasy Ros­tıslav Ko­nıashkın.

Jańa sıfrlyq qujatty tabý úshin eGov Mobile qosymshasynda avtorızasııadan ótip, basty bettegi «Sıfrlyq qujattar» bólimindegi qujattar tiziminen «Sheteldiktiń turýyna yqtııarhatyn» basý qa­jet.

Sıfrlyq qujatta qate má­limetter anyqtalǵan jaǵdaıda «Qate týraly habarlaý» batyr­masyn basý arqyly tıisti mem­lekettik organǵa e-Otinish arqyly ótinish berýge bolady.

Sıfrlyq qujat – túpnusqa qujattyń analogi. Qazirgi ýa­qytta eGov mobile mobıldi qo­­­sym­shasynyń «Sıfrlyq qu­jat­tar» servısinde 11,7 mln-nan as­­tam azamat belsendi paıdalanatyn 24 qujat (jeke kýálik, pas­port, júrgizýshi kýáligi, vaksına­laý pas­porty, PTR testi jáne týý týraly kýálik jáne ta­ǵy basqasy) bar. Barlyq sıfr­lyq qujatty talap etý orny boıynsha usynýǵa bolady. Elek­trondy qujattyń, ıaǵnı sıfr­lyq qujattardyń, olardyń ana­logteriniń balamalylyǵy zańmen bekitilgen.