«Biz «birlik pen turaqtylyq bolmasa, saıası-ekonomıkalyq reformalar júzege aspaıdy» deımiz. Árıne, bul – durys paıym. Biraq birlik degenimiz maqsatymyzǵa aparatyn jol ǵana emes. Bul – memlekettiligimizdiń eń basty tireginiń biri.
Men buǵan deıin de aıttym: elimizdiń táýelsizdigi jáne aýmaqtyq tutastyǵy bárinen qymbat. El birligi osy myzǵymas qundylyqtarmen qatar turýǵa tıis. Sonda ǵana bolashaǵymyz baıandy bolady. Tatýlyq pen kelisim tek memlekettik saıasatta emes, qoǵamda, úıde, ujymda, jalpy, barlyq jerde dáriptelýi qajet. Bul jalań uran emes, ár azamattyń kúndelikti ustanymy bolýy kerek», dedi Prezıdent
Onyń aıtýynsha, bul – nebir qıyn-qystaý zamandy ótkergen, qazaq jerinen pana tapqan barsha etnostar úshin de qymbat qundylyq.
«Osy qundylyqtardy baǵalaı bilgenniń arqasynda jurtymyz beıbit ómir súrip jatyr. Bul – teńdessiz jetistik!», dedi Memleket basshysy.
