«Halqymyzdyń yntymaq-birligi bul – taǵdyrdyń bere salǵan syıy emes. Bul – eń aldymen, jurtymyzdyń kúndelikti tabandy eńbeginiń arqasy ekenin durys túsinýimiz kerek. Sondyqtan biz birligimizdi kún saıyn nyǵaıtyp otyrýymyz qajet», dedi Memleket basshysy.
Prezıdenttiń aıtýynsha, tatýlyq pen kelisim halqymyzdyń ómir saltyna aınalýǵa tıis. Áıtpese, eldikti saqtap qalýymyz óte qıyn bolady.
«Men barsha otandasymyzdy elimizdiń bereke-birligin baǵalaı bilýge shaqyramyn. Shyn máninde, el birligin nyǵaıtý úshin qyzmet etý – eń jaýapty ári saýapty is. Eldikti buzý, birlikti shaıqaltý, bul – zań aldynda – qylmys, qudaı aldynda – kúná. Osyny bárimiz tereń túsinýimiz qajet», dep atap ótti el Prezıdenti.
