2 mamyr kúni Prezıdent Syrtqy saýda, ekonomıkalyq tartymdylyq jáne sheteldegi fransýz azamattarynyń isteri jónindegi mınıstr-delegat, Qazaqstan-Fransııa Úkimetaralyq komıssııasynyń teń tóraǵasy Olıve Beshtti qabyldaıdy.
Kezdesý barysynda Qasym-Jomart Toqaevtyń byltyr qarasha aıynda Fransııaǵa resmı sapary barysynda qol jetkizilgen ýaǵdalastyqtardy júzege asyrý máseleleri talqylanady dep josparlanyp otyr.
3 mamyrda Memleket basshysy FIFA prezıdenti Djannı Infantınony qabyldaıdy.
3-4 mamyrda Astanaǵa Qasym-Jomart Toqaevtyń shaqyrýymen Tájikstan Prezıdenti Emomalı Rahmon memlekettik saparmen keledi.
Eki el basshylary shaǵyn jáne keńeıtilgen quramda ótetin kelissózder barysynda Qazaqstan men Tájikstan arasyndaǵy strategııalyq seriktestikti odan ári nyǵaıtý perspektıvalaryn talqylaıdy.
5 mamyrda Prezıdent – Joǵarǵy Bas qolbasshy Qasym-Jomart Toqaevtyń qatysýymen Búkilarmııalyq keńes ótedi.
Jıyn barysynda áskerı salany damytýǵa jáne ásker daıyndyǵyna, sondaı-aq Qazaqstan armııasyn tehnologııalyq turǵyda jańǵyrtýǵa qatysty máseleler qarastyrylady.
