QAZAQSTAN RESPÝBLIKASYNYŃ QYLMYSTYQ-ATQARÝ KODEKSI
Tolyǵymen
Qazaqstan Respýblıkasynyń Qylmystyq-atqarý kodeksine Qosymsha
Sot úkimi boıynsha tárkilenýge jatpaıtyn múlik tizbesi
Sottalǵan adam men onyń asyraýyndaǵy adamdar úshin qajetti, oǵan jeke menshik quqyǵymen tıesili nemese ortaq menshiktegi onyń úlesi bolyp tabylatyn mynadaı múlik túrleri men zattar tárkilenýge jatpaıdy: 1) alańy turǵyn úı zańnamasynda otbasynyń árbir múshesine belgilengen normatıvterden aspaıtyn, sottalǵan adam men onyń otbasynyń jalǵyz turǵyn úıi; 2) tárkilenýge jatpaıtyn úı jáne sharýashylyq qurylystary ornalasqan jer ýchaskeleri, sondaı-aq jeke qosalqy sharýashylyq júrgizý úshin qajetti jer ýchaskeleri; 3) negizgi kásibi aýyl sharýashylyǵy bolyp tabylatyn adamdardan – sharýashylyq qurylystary jáne sany onyń otbasynyń qajettilikterin qanaǵattandyrýǵa qajetti úı maly, sondaı-aq malǵa arnalǵan jem-shóp; 4) aýyl sharýashylyǵy daqyldarynyń kezekti egisi úshin qajetti tuqym; 5) úı jabdyǵy zattary, kerek-jaraq, kıim: kıilip júrgen kıim, aıaqkıim, ishkıim, qoldanylyp júrgen tósek jabdyqtary, as úı jáne ashana kerek-jaraǵy. Teriden jasalǵan jáne basqa da baǵaly kıim, ashana servızderi, baǵaly metaldardan jasalǵan, sondaı-aq kórkemdik qundylyǵy bar zattar tárkilenýi múmkin; sottalǵan adam men onyń otbasy músheleri úshin qajeti barynsha az jıhaz; balalardyń barlyq kerek-jaraqtary; 6) eger sottalǵan adamnyń negizgi kásibi aýyl sharýashylyǵy bolyp tabylsa, sottalǵan adam men onyń otbasy úshin jańa ónim jınaǵanǵa deıin qajetti kólemdegi tamaq ónimderi, al qalǵan jaǵdaılarda – Qazaqstan Respýblıkasynyń Úkimeti belgileıtin mólsherdegi jalpy somaǵa tamaq ónimderi men aqsha; 7) tamaq daıyndaýǵa jáne otbasynyń turǵyn úı-jaıyn jylytýǵa arnalǵan otyn; 8) sottalǵan adam sot úkimimen tıisti qyzmetpen aınalysý quqyǵynan aıyrylǵan nemese múkámmal onyń qylmys jasaýy úshin paıdalanylǵan jaǵdaılardy qospaǵanda, sottalǵan adamnyń kásiptik isterin jalǵastyrýy úshin qajetti múkámmal (onyń ishinde oqýlyqtar men kitaptar); 9) múgedekterdiń júrip-turýyna arnap jasalǵan kólik quraldary; 10) sottalǵan adam marapattalǵan halyqaralyq, memlekettik jáne ózge de júldeler.
