Darhan Qydyráli Qazaqstan tarapynyń talaby boıynsha ókildik ashqany úshin kompanııaǵa alǵys aıtyp, Dmıtrıı Pylevtiń jumysyna sáttilik tiledi.
Eske sala keteıik, jýyrda ǵana áleýmettik jeliniń ınterfeısi qazaqshalandy. Bul da eki jaqty jumystyń bir nátıjesi deýge bolady.
Sonymen qatar Darhan Qydyráli kompanııa ókilderine 13 jasqa deıingi balalardyń Tiktok-ty paıdalanýyna shekteý qoıý boıynsha birlesken jumys júrgizýdi usyndy.
Mınıstr kıberbýllıngtiń jıilep bara jatqanyna, sondaı-aq sýısıdke ıtermeleıtin áreketterge erekshe nazar aýdardy.
«Mınıstrlik osyndaı mazmundy kontentti anyqtaý boıynsha kúsheıtilgen jumys júrgizýdi josparlap otyr. Biz balalar men jastar arasynda sýısıdtiń kóbeıýine ákeletin kontentti kórsetýdi shekteýge birge kúsh salýymyz kerek», dedi Darhan Qydyráli.
Mınıstr qazir talqylanyp jatqan «Internet jarnama jáne onlaın platforma týraly» zań jobasynyń erekshelikterine toqtalyp, zańnamada onlaın platforma ıelerimen birge jumys isteý, qazaqsha kontentti monetızasııalaý jáne moderızasııalaý, ınterfeısterdi qazaqshalaý máselesi qarastyrylyp otyrǵanyn aıtty.
Sergeı Sokolov óz sózinde kompanııa 13 jasqa tolmaǵan jandardyń TikTok platformasyn paıdalanbaýyna nazar aýdaratynyn atap ótti. Jas shekteýlerin saqtaý jáne kıberbýllıngtiń aldyn alý úshin múddeli bılik organdarymen, jurtshylyqpen jáne sarapshylarmen birge jumys isteýge daıyn ekenin bildirdi.
«Atap aıtqanda, aqpan aıynda biz «qaýipsizdik akademııasy» baǵdarlamasynyń bóligi retinde onlaın-býllıngke qarsy kampanııa bastadyq», dedi Sergeı Sokolov.
Esterińizge sala keteıik, jýyrda ǵana AQDM «Medıa etıka jáne balalar quqyǵyn qorǵaý» taqyrybynda dóńgelek ústel ótkizip, aqparat quraldarynda balalarǵa baılanysty halyqaralyq jáne jergilikti normalardy saqtaýǵa shaqyryp, arnaıy Usynym qabyldaǵan bolatyn.
