Jeti boksshy – shırek fınalǵa shyqty

Irikteý saıystarynyń soń­ǵy kúnindegi jekpe-jekter­ge toq­talar bolsaq, álem birin­shili­giniń toǵyzynshy kúni Tash­kent tórinde kerilgen rıngke bes boksshymyz kóterilip, sonyń tórteýi shırek fınalǵa joldama aldy. Tek 75 kg salmaqta synǵa túsken el chempıony Nurqanat Raıys qana jankúıerlerdiń senimin aqtaı almaı, brazılııalyq Vanderleı Pereıradan jeńilip qaldy.

Kúndizgi sessııaǵa jospar­lanǵan jekpe-jek keshin Qa­zaqstan quramasy sapynan ulttyq quramanyń kapıtany, 2022 jylǵy Azııa chempıo­ny, 2018 jyly Jakartada ótken Azııa oıyndarynyń kúmis júldegeri Aslanbek Shymbergenov (71 kg) sátti bastap berdi. Bul ke­zeńde otandasymyz Reseıde týǵan 25 jastaǵy ızraıldik Mı­­roslav Kapýler-Ishenkomen judyryqtasyp, tóreshilerdiń bir­aýyzdan qabyldaǵan sheshimi­men jeńiske jetti. Sondaı-aq Shymbergenov qarsylasyn bir ret eseńgiretip, nokdaýnǵa da túsirdi.

Aslanbektiń izin ala sharshy alańǵa jastar arasyndaǵy álem chempıony Nurbek Oralbaı (80 kg) kóterilip, osydan eki jyl burynǵy jetistigin qaıtalady. Serbııadaǵy álem chempıonatynyń shırek fınalyna deıin jetken otandasymyz 1/8 fınalda túrkııalyq Kaan Aıkýtsýndy je­ńip, bul joly da sol mejeden kórindi.

Al keshki sessııada baq sy­naǵan Mahmud Sabyrhan (54 kg) men Dýlat Bekbaýov (67 kg) ta jigitterdiń jeńisti jolyn jal­ǵastyryp, álem chem­pıo­natynyń shırek fınalyna shyqty. Serbııadaǵy əlem chem­pıonatynyń kúmis júldegeri M.Sabyrhan 1/8 fınalda 2016 jyly jastar arasynda əlem chempıony atanǵan alǵashqy ún­distandyq boksshy Sachındi jarys jolynan yǵystyrsa, sol kún­gi qazaq-úndi boksshylarynyń ekinshi jekpe-jeginde de Dýlat Bekbaýovtyń mereıi ústem boldy. Otandasymyz alǵashqy raýndta Akash Akashqa ese jibergenimen, keıingi eki raýndta qarsylasynan jeńisti julyp aldy. Osylaısha, keshe jeti boksshymyz shırek fınalda judyryqtasty. Osyǵan deıin Sanjar Táshkenbaı, Serik Temirjanov pen Qamshybek Qoń­qabaev shırek fınalǵa shyqqan bolatyn.

Jalpy, shırek fınalǵa Kýba quramasynan – 12, О́zbekstannan – 11, Reseıden – 8, Qazaqstannan – 7, Ispanııadan – 6, Fransııa men Grýzııadan – 5, Iordanııa, Tájikstan, Bolgarııadan – 4, Qyrǵyzstan, Úndistan, Brazılııa, Armenııadan – 3, Japonııa, Venesýela, Taıland, Mońǵolııa, Qytaı, Ázerbaıjan, Zambııa, Meksıkadan – 2 jáne Taıvan, Shotlandııa, Aýstralııa, Horvatııa, Majarstan, Belarýs, Kolýmbııa, Gana, Italııa, Aýstrııadan bir-bir boksshydan joldama aldy.

Keshegi jartylaı fınalda Sanjar Táshkenbaı (48 kg) japonııalyq Kazýma Aratakemen, Mahmud Sabyrhan (54 kg) ganalyq Amadý Mohammedpen, Serik Temirjanov (57 kg) kýbalyq Saıdel Hortamen, Dýlat Bek­baýov (67 kg) meksıkalyq Mı­gel Martınespen, Aslanbek Shym­bergenov (71 kg) fransııalyq Makan Traoremen, Nurbek Oral­baı (80 kg) ıordanııalyq Hýseın Eıshaıshıashaıshpen jáne asa aýyr salmaqtaǵy Qamshybek Qoń­qabaev ózbekstandyq Bahodır Ja­lolovpen judyryqtasyp, jartylaı fınaldyń joldamalaryn sarapqa saldy.

Álem chempıonatynyń jartylaı fınal aıqastary 12 mamyrǵa, fınaldyq jekpe-jekter 13 jáne 14 mamyrǵa josparlanǵan.