Rasynda Abaı oblysynda týrızmdi jandandyrý jolynda jasalynyp jatqan ıgi qadamdar barshylyq. Solardyń biri retinde qorshaǵan ortany qorǵaý nysandary boıynsha Úrjar aýdanynyń aýmaǵynda ornalasqan Alakól kóliniń jaǵalaýynda sý burý kanalyn salý jumystarynyń atqarylyp jatqandyǵyn aıtyp ótýge bolady. Osy arqyly qajetti jerlerdi qurǵatý jumystary júrgizilýde. Bul týraly keńeıtilgen keńes barysynda oblys ákiminiń orynbasary Dımıtrıı Garıkov málim etti.
Kól jaǵalaýyn elektrmen jabdyqtaý máselesi qazirgi tańda oń sheshimin taýyp jatyr. Saraptama qorytyndysy alyndy. Jobalardy iske asyrý jaǵy qarastyrylyp jatyr.
Sondaı-aq jazǵy kezeńde Alakólge týrıstik baǵytta jolaýshylar tasymaly uıymdastyrylatyn bolady. Buǵan deıin de jumys istep kelgen 4 avtobýs baǵyty qaıta jandanady. Sondaı-aq «Semeı-Jalańashkól» stansasy temirjol marshrýty boıynsha qyzmet kórsetýge tender ótkizdi. Onyń jeńimpazy bolyp «Jolaýshylar tasymaly» AQ bolyp aıqyndaldy. Bıylǵy maýsymda 5 vagonmen jabdyqtalǵan poıyz quramy qajetti jıilikte qatynaıdy dep kútilýde.
