Oǵan memlekettik jáne jekemenshik mektep oqýshylary, pedagogter men bilim berý uıymdarynyń qyzmetkerleri qatysyp jatyr.
Oqý-jattyǵý barysynda «Bilim berý obektilerinde terrorızmge qarsy qorǵaýdy uıymdastyrý jónindegi nusqaýlyq» aıasynda bekitilgen algorıtmder tájirıbe júzinde pysyqtalady.
«Is-shara barysynda mektep ujymyna terrorızmge qarsy qorǵaýdy uıymdastyrý jónindegi algorıtmder nusqamasy berilip, tıisti deńgeıde oryndalýy qadaǵalanady. Oqýshylarǵa nusqaý berilip, qyzmetkerler men bilim alýshylardy jedel evakýasııalaý uıymdastyrylady. Tehnıkalyq quraldardyń, ıaǵnı dabyl túımesi, týrnıket jáne beınekameralardyń jumys isteýi jáne dabyl túımeleri arqyly shaqyrylǵan jaǵdaıda jeke kúzet uıymdarynyń jedel áreket etýi tekseriledi», dedi Balalardyń quqyqtaryn qorǵaý komıtetiniń tóraıymy Nasymjan Ospanova.
Aıta keteıik, oqý-jattyǵý tek profılaktıkalyq maqsatty kózdeıdi. Bilim berý uıymdaryn terrorızmnen qorǵaý, qaýiptiń aldyn alý úshin mundaı jattyǵýlar turaqty júrgiziledi.
Oqý-jattyǵýdy júrgizýdegi túpki maqsat – tehnıkalyq quraldardyń turaqty jumys isteýin baqylaýdan bólek, qaýip tóngen jaǵdaıda oqýshylar, muǵalimder men qyzmetkerlerdiń durys ári qaýipsizdikti saqtap, jedel áreket etýine baǵdarlaý.
Mınıstrlik balalardyń qaýipsizdigin jiti nazarǵa alyp, mektepterde terrorızmge qarsy qorǵaýdy keshendi júrgizýge basymdyq berip otyr.
