Álemdik reıtıngte altynshy orynda turǵan jerlesimiz Apennın túbegindegi tennısshiler básekesiniń tórtinshi aınalymynda dúnıejúzilik reıtıngte 70-orynda turǵan chehııalyq Marketa Vondroýshovamen sheberlik baıqasty. Osyǵan deıin qarsylastar 2021 jyly Máskeýdegi jarysta bir márte kezdesip, onda chehııalyq tennısshi eki sette 6:4, 6:4 esebimen jeńiske jetken bolatyn. Bul joly otandasymyzdyń mereıi ústem boldy.
Birinshi partııanyń alǵashqy geıminde Rybakına qatelikke boı aldyryp, qarsylasynyń breık jasaýyna múmkindik berip qoıdy. Alaıda keıingi eki geımde ózi qaıyra breık jasap, esepte alǵa shyǵyp aldy – 3:1. Sodan keıin jerlesimiz taǵy úsh geımde myqtylyq tanytyp, alǵashqy partııany 6:3 esebimen óz paıdasyna jazdy. Ekinshi sette Elena qarqynyn arttyryp, á degennen 4:1 esebimen alǵa uzap ketkenimen, chehııalyq sportshy qaıyra breık jasady. Degenmen bul partııada da Rybakına 6:3 esebimen basymdyq tanytty. Elena jartylaı fınalǵa shyǵý úshin álemniń 1-raketkasy Polsha ókili Iga Shventek nemese reıtıngte 24-satyda turǵan horvatııalyq Donna Vekıchtiń birimen kezdesedi.
