Foto: Euronews
Italııada sý tasqynynan úsh adam qaıtys boldy. Taǵy úsh adam iz-túzsiz joǵalyp ketti. Emılııa-Romanıada qatty jańbyrdan keıin birneshe ózen jaǵadan shyqty. Chezena qalasy biraz ýaqytqa deıin sý astynda qaldy.
«О́zen jaǵadan qaıta shyǵýy múmkin. Qala turǵyndaryn jaǵalaý mańyna barmaýǵa jáne jertólelerge túspeýge shaqyramyz. О́zenniń janynda turatyndar múmkindiginshe tómengi qabatqa túspeýi kerek», dedi Chezena qalasynyń ákimi Enso Lattýka.
Italııanyń soltústik aımaqtarynda aýa raıy áli de qolaısyz bolady. О́ńirlerde qaýiptiń «qyzyl» deńgeı rejımi saqtalady. Emılııa-Romanıa men Toskanada 6 myńǵa jýyq adam evakýasııalandy.
Soltústik Adrıatıkaǵa jańbyr kóp mólsherde jaýdy, ol Horvatııa, Bosnııa jáne Gersegovınaǵa da áser etti.
Bosnııanyń batysyndaǵy birneshe qalalar men eldimekender sý astynda qaldy. Júzdegen úılerdiń turǵyndary shuǵyl túrde qaýipsiz jerge kóshirildi. Eń qıyn jaǵdaı – eldiń soltústik-batysyndaǵy Bıhach qalasynyń mańynda. Onda jaǵalaýlar men joldarǵa sebý úshin qajetti qum dorbalar jetkizilip jatyr.
Kórshiles Horvatııanyń birneshe aımaǵynda tótenshe jaǵdaı rejımi jarııalandy. Onda áskerı qyzmetshiler ýaqytsha bógetter men bekinister salýǵa kiristi.
