Rybakına shırek fınalda álemniń 1-raketkasy, «Úlken dýlyǵa» jarystarynyń úsh dúrkin chempıony, dál osy týrnırdiń keıingi eki jyldaǵy jeńimpazy Polsha ókili Iga Shventekpen sheberlik baıqasty. Úsh setke jalǵasqan tartysty básekede otandasymyz 2:6, 7:6 (7:3), 2:2 esebimen teń túsip turǵanda, Shventek jaraqatyna baılanysty kezdesýdi jalǵastyrýdan bas tartty. Osylaısha, otandasymyz alǵash ret Rımdegi týrnırdiń jartylaı fınalyna joldama aldy. Byltyr ol úshinshi kezeńnen árige asa almaǵan edi.
Elena Rybakına men Iga Shventek bıyldyqqa osymen úshinshi márte kezdesip, úsheýinde de jerlesimizdiń mereıi ústem boldy. Otandasymyz Shventekti alǵash ret bıylǵy Aýstralııa ashyq chempıonatynyń tórtinshi aınalymynda, ekinshi ret Indıan-Ýells dodasynyń jartylaı fınalynda jeńgen bolatyn. Rımdegi týrnırdiń fınalyna shyǵý úshin ol búgin latvııalyq Elena Ostapenkomen sheberlik baıqasady.
