Bul týraly Qazaqstan Prezıdentiniń baspasóz hatshysy Rýslan Jeldibaı Facebook-te habarlady.
«Emılııa-Romanıa aımaǵynda bolǵan joıqyn sý tasqyny saldarynan kóptegen adamnyń qaza tabýyna baılanysty Italııa Premer-mınıstri Djordja Melonı tabıǵat apatynan zardap shekken óńirlerge barý úshin Hırosımada ótip jatqan G7 sammıtine sońyna deıin qatyspaı, eline qaıtyp barady. Kelip túsken málimet boıynsha Italııanyń soltústiginde kem degende 40-tan astam eldi meken sý astynda qalyp, 20 myńnan astam adam baspanasynan aıyryldy. Osy sebepke baılanysty Italııa Úkimeti basshysynyń Astanaǵa josparlanǵan jumys sapary bolmaıdy», dep jazdy Rýslan Jeldibaı.
Rýslan Jeldibaıdyń jazýynsha, Italııa tarapy Prezıdent Qasym-Jomart Toqaev pen Djordja Melonıdiń telefon arqyly sóılesýin uıymdastyrýdy suraǵan.
