О́tken demalys kúnderi Ǵalym Mámbetalıev shákirtteri álem chempıonatynyń toptyq kezeńdegi taǵy eki oıynyn ótkizdi. Alǵash «Rıga Arena» muz saraıyndaǵy básekede Slovakııa hokkeıshilerin match sońyndaǵy býllıt serııasynda súrindirse, keıinnen muzaıdyn ıesi – Latvııadan jeńildi.
Slovakııamen ótken kezdesýdiń alǵashqy bóliginde jerlesterimiz birinshi bolyp shaıba ótkizip alǵanymen, ekinshi kezeńinde qarsylastarynyń qaqpasyn úsh márte dál kózdedi. Slovakııa quramasy sapynan 14-mınýtta Patrık Koh mergendik tanytsa, úzilisten keıin otandyq hokkeıshilerden Roman Starchenko (21-mınýt), Valerıı Orehov (24) jáne Evgenıı Rymarev (25) qarsylas qaqpasyn dál kózdep, tablodaǵy kórsetkishti 3:1-ge jetkizdi.
Úshinshi kezeńde jerlesterimiz qarqynyn báseńdetip aldy. Sonyń saldarynan slovakııalyq hokkeıshiler urymtal tusty utymdy paıdalanyp, Andreı Shýtov qorǵaǵan qaqpadan eki márte sańylaý taýyp ketti. 48-mınýtta Rıhard Panık esep aıyrmasyn qysqartsa, 56-mınýtta Pavol Regenda tarazy basyn teńestirdi. Osylaısha, kezdesýdiń negizgi kezeńi 3:3 esebimen teń aıaqtalǵan soń, oıyn overtaımǵa ulasty. Biraq qosymsha ýaqytta da jeńimpaz anyqtalǵan joq. Al býllıtte Qazaqstan quramasynyń baǵy janyp, álem chempıonatyndaǵy ekinshi jeńisine qol jetkizdi. Munyń aldynda jerlesterimiz Norvegııa hokkeıshilerin de dál osyndaı eseppen býllıtte tize búktirgen edi.
Altynshy týrǵa josparlanǵan jarys qojaıyny – Latvııamen ótken oıynda jerlesterimiz qarsylastaryna iri eseppen jol berdi – 7:0. Aıdyn ıelerinen bul kezdesýde Rıhard Býkarts (16-mınýtta), Oskars Batnıa (18), Martınsh Dzıerkals (22), Rodrıgo Abols (30 jáne 52-mınýtta), Mıks Indrashıs (40) jáne Kaspars Daýgavınsh (50) mergendik tanytyp, jergilikti jankúıerlerdi shattyqqa bóledi.
Álem chempıonatynyń statıstıkasyna kóz júgirter bolsaq, bul – V tobynda tirkelgen ekinshi iri esep. Birinshiliktiń alǵashqy týrynda Shveısarııa quramasy toptyń aýtsaıderi Slovenııa quramasyn dál osyndaı eseppen jeńgen bolatyn. Bul jeńilisten keıin Qazaqstan quramasy birjola álem chempıonatynyń pleı-off kezeńinen kúderin úzgenimen, joǵary dıvızıondaǵy ornyn saqtap qalýǵa tyrysady.
Jerlesterimiz búginge josparlanǵan toptyq kezeńniń sońǵy oıynynda ázirge birde-bir oıynda jeńiske jetpegen Slovenııa hokkeıshilerimen kezdesedi. Eger Slovenııa Slovakııadan jeńilse nemese Qazaqstan Slovakııamen oıynynda jeńiske jetse, kelesi jyly da elıtaly kezeńde baq synaý múmkindigin saqtap qalady.
