Aty Ilıa Borshov deıtin orys botanıginiń qurmetine qoıylǵan bul gúl Torǵaı, Aral óńirindegi qumdy shólderde, Qyzylqumda kezdesedi. Araldaǵy Barsakelmes qoryǵynyń sánin kirgizip turǵan da osy gúl. Qysta qar mol túsken jyldary lalagúlder tuqymdasynyń qyzǵaldaq tobyna jatatyn bul ósimdiktiń Qarmaqshydaǵy Qorqyt ata kesenesiniń mańynda jaıqalyp turǵanyn da talaı kórgenbiz. Japyraǵy kádimgi aloeniń sabaǵyna kelińkireıtin Borshov qyzǵaldaǵy munaı óndiriletin Qumkól mańaıyn da «jatyrqaı» qoımaıdy.
Jalpy, elimizde qyzǵaldaqtyń 35 túri ósse, onyń 18-i «Qyzyl kitapqa» engen. Barsakelmes qoryǵynda sáýir-mamyr aılarynda gúldep, mamyr-maýsym aılarynda tuqym shashatyn Borshov qyzǵaldaǵynan bólek elimizde qorǵaýǵa alynǵan taǵy 4 ósimdik ósedi.
Kóktemniń kórki, sulýlyqtyń nyshany qyzǵaldaqtardy qorǵaý men dáripteý maqsatynda respýblıkalyq «Parkter sherýi-2023» tabıǵat qorǵaý aksııasy aıasynda Aralda «Qyzǵaldaqtar festıvali» ótip, Borshov qyzǵaldaǵy týraly mektep oqýshylarynyń jasaǵan tanymdyq kórmeleri men pannolar uıymdastyryldy. Aýdan mektepterinde dala sánine aınalǵan qyzǵaldaqqa arnalǵan ekologııalyq is-sharalar ótti.
Qyzylorda
