«Bizdiń joǵary oqý ornymyzdy qurýdan bastap «ArselorMıttal Temirtaý» AQ-men qarym-qatynasymyzdyń tabysty tarıhy bar. Biz osy dástúrdi saqtap, damytýdy jalǵastyryp otyrmyz. Qazir negizgi mindet – ónerkásip úshin, sonyń ishinde «ArselorMıttal Temirtaý» AQ úshin joǵary bilikti kadrlardy daıarlaý. Biraq bizdiń yntymaqtastyǵymyz tek mamandar daıarlaýmen jáne olardy metallýrgııa kombınatyna jumysqa jiberýmen shektelmeıdi. Bizdiń kúsh-jigerimiz jumys berýshiler, «ArselorMıttal Temirtaý» AQ mamandary belsene qatysatyn bilim berý baǵdarlamalary men oqý josparlaryn ázirleýden bastap qyzmettiń keń aýqymyna baǵyttalǵan», dedi Bolatbek Ábdirásilov.
«ArselorMıttal Temirtaý» AQ Bas dırektory Vladımır Iаblonskıı óz kezeginde taý-ken jáne metallýrgııa ónerkásibi mamandaryna suranys joǵary ekenin atap ótti.
– Men de osy joǵary oqý ornynyń túlegimin. Búginde taý-ken jáne metallýrgııa ónerkásibinde joǵary bilikti kadrlar tapshylyǵy bar ekeni jasyryn emes. Biz osy salanyń bedeli budan biraz ýaqyt buryn túsip ketkenin moıyndaımyz. Al qazir ónerkásip óz jemisin berip, elimizdiń suranysqa ıe negizgi salalarynyń birine jáne ekonomıkanyń negizine aınalǵanyn kórip otyrmyz. Taý-ken jáne metallýrgııa ónerkásibine jumysqa barýdy uıǵarǵan jastardyń aldarynan zor múmkindik ashylady. Bolashaq tehnologııalar men ınnovasııalardy qurýda sizderdiń mashyqtaryńyzben bilimderińizdi eshteńe almastyra almaıtynbolady, - dedi Vladımır Iаblonskıı stýdentterge. – Sizder osy salaǵa eleýli úles qosyp, tabysqa jetetinderińizge senimdimin. Búgin grant alǵan barlyq stýdent konkýrstyq irikteýden ótkenin atap aıtqym keledi. Bul – tek grant úlestirý emes, sonymen qatar bilimdiligin ǵana emes, osy saladaqyzmet etýge degen ynta-yqylasyn, ambısııasy men umtylysyn kórsete bilgenderge arnalǵan marapat deýge bolady. Barshańyzǵa tabys tileımin!
«ArselorMıttal Temirtaý» AQ-nyń personal jónindegi dırektory Elena Vınokýrova iri ónerkásip kásiporyndary men beıindi joǵary oqý oryndarynyń tyǵyz yntymaqtastyǵynyń mańyzdylyǵyn atap ótti.
- Ǵylym men ónerkásiptiń sımbıozy – ulttyq ekonomıkany damytýdyń birden-bir joly, - dedi Elena Vınokýrova. - Biz stýdentterimizge, olardyń bolashaǵyna jáne óńirimizde tehnıkalyq mamandyqtar kadrlaryn daıarlaýdyń úzdiksizjúrgiziletinine senemiz. Jastarǵa úlken tabys pen ósip-órleý tileımiz. Olardyń alma-mater qabyrǵasynda alǵan bilimi bizdiń kompanııamyzdaǵy bolashaq tabystarynyń irgetasy bolǵaı!
«ArselorMıttal Temirtaý» AQ A.Saǵynov atyndaǵy Qaraǵandy tehnıkalyq ýnıversıtetimen de tyǵyz ári jemisti yntymaqtastyq ornatqan.
- «ArselorMıttal Temirtaý» AQ-men biz ǵylymı qyzmet salasynda da, bilim berý salasynda da, stýdentterimizdi óndiristik praktıkadan ótkizýdede burynnan yntymaqtasa jumys istep kelemiz. «ArselorMıttal Temirtaýdyń» myńdaǵan adamdyq ujymyna Otanymyzdyń ıgiligi jolynda jemisti jumys jáne eń bastysy – kásiporynǵa órkendeý tileımin! - dedi «A.Saǵynov atyndaǵy Qaraǵandy tehnıkalyq ýnıversıteti» KeAQ atqarýshy dırektory Arıstotel Isaǵulov.
Konkýrs qorytyndysy boıynsha QarIÝ-dyń 20 stýdenti jáne QarTÝ-dyń 50 stýdenti bilim granttaryn aldy.
Osy rette taǵy bir aıta keterlik jaıt – «ArselorMıttal Temirtaý» AQ-nyń bilim berý granttaryn alý múmkindigi kompanııa kásiporyndarynyń óz biliktiligin arttyryp, kásibı damýyn jalǵastyrǵysy keletin jumyskerlerine de berilgen.
