Qarqaraly aýdanynda «ArselorMıttal Temirtaýdyń» birneshe kásiporny ornalasqan. Olar – «Shahter» demalys úıi, «Romantık» balalar saýyqtyrý lageri jáne «О́rken-Kentóbe» kenishi.
«ArselorMıttal Temirtaý» AQ úshin – kompanııa qurylymdary ornalasqan óńirlerdegi áleýmettik jaýapkershilik basym baǵyttardyń biri. Qarqaraly aýdany úshin júıe quraýshy kásiporyn bolyp sanalatyn «ArselorMıttal Temirtaý» AQ qyzmetiniń arqasynda jergilikti turǵyndar turaqty jumyspen jáne tabyspen qamtamasyz etilip otyr.
Mysaly, jumysyn toqtatýǵa týra kelgen «Shahter» demalys úıiniń qyzmetin maýsym aıynyń basynda qalpyna keltirý josparlanyp otyr. Qazir onyń barlyq qyzmetkeri jumys oryndaryna oraldy. Muny aýdan ákimi Erlan Qusaıyn «ArselorMıttal Temirtaý» AQ Bas dırektory Vladımır Iаblonskıımen kezdesýde atap ótti.
Aýdan basshysy «ArselorMıttal Temirtaý» kompanııasynyń basshylyǵyna, ásirese qıyndyqqa tap bolǵan qaralylyqtarǵa qoldaý kórsetkeni úshin erekshe rızashylyq bildirdi.
- Sizge Jańajol shaǵyn kentin sýmen qamtamasyz etýge kómekteskenińiz úshin alǵysaıtqym keledi. Munda aýyz sýǵa qatysty úlken problema týyndap, turǵyndar bizden járdemkórsetýimizdi surady. Olarǵa naq «ArselorMıttal Temirtaý» kompanııasy kómek qolyn sozyp otyr, - dedi Eran Qusaıyn. - Qazir uńǵyma burǵylanyp boldy. Endi sýdyń sapasyn tekserý nátıjesin kútip otyrmyz. Ol durys bolsa, maýsym aıynda kentke sýdy tolyǵymen bere bastaımyz.
Kezdesýde Vladımır Iаblonskıı men Eran Qusaıyn yntymaqtastyqty odan ári damytý máselelerin talqylady. «ArselorMıttal Temirtaý» AQ Bas dırektory kompanııa óz kásiporyndary ornalasqan aýdandy damytý máselelerin sheshýge belsene atsalysyp, janashyrlyqpen qarap otyrǵanyn atap aıtty.
- Aýdandy jan-jaqty damytý qajet. Bul bizgejumys oryndaryn qurý úshin ǵana emes, eń aldymen, kompanııamyzdyń qyzmetkerleri men olardyń otbasylarynyń eńbek jáne turmysjaǵdaılary qolaıly bolýy úshin qajet, - dedi Vladımır Iаblonskıı.
Kezdesý sońynda aýdan ákimi kompanııa basshylyǵyna qarqaralylyqtarǵa kórsetip otyrǵan áleýmettik kómegi úshin taǵy da rızashylyq bildirip, «ArselorMıttal Temirtaý» AQ Bas dırektoryna Alǵys hat tapsyrdy.
