«Búginde oblysta 12 apatty jáne 9 úsh aýysymdy mektep bar. 2023 jyly 27 mekteptiń qurylysy bastalady, onyń ishinde 9 mektep «Jaıly mektep» ulttyq pılottyq jobasy aıasynda salynady. Jyl sońyna deıin 18 mektepti paıdalanýǵa berýdi josparlap otyrmyz», dedi oblys ákimi Narıman Tóreǵalıev Ortalyq kommýnıkasııalar qyzmetinde ótken jıynda.
Ol mektep oqýshylaryn tasymaldaý úshin 54 avtobýs satyp alynǵanyn atap ótti. Oblys aýmaǵynda 9 sport kesheni paıdalanýǵa berildi, tórteýi salynyp jatyr. Taǵy bir keshen qurylysyn 2024 jyly bastaý josparlanyp otyr. Bıyl M.О́temisov atyndaǵy Batys Qazaqstan ýnıversıtetiniń stýdentterine arnalǵan 500 oryndyq jataqhana qurylysy aıaqtalady.
«Oblysta 3 pen 6 jas aralyǵyndaǵy balalardy mektepke deıingi tárbıemen qamtamasyz etý 100 paıyzdy qurady. Búgingi tańda 1 jastan 6 jasqa deıingi balalardy balabaqshamen qamtý 84,3 paıyzdy quraıdy. Bul kórsetkishti 2025 jylǵa qaraı 100 paıyzǵa jetkizý jasparlandy», dep qosty spıker.
