Qazaqstan tennısshisi irikteý saıystarynyń fınalynda dúnıejúzilik reıtıngte 165-orynda turǵan brazılııalyq Felıpe Melıgenı Rodrıges Alvespen synǵa tústi.
Birinshi partııada qos breıkke qol jetkizgen brazılııalyq sportshy basymdylyq kórsetti - 6:2. Ol ekinshi sette de 4:2 esebimen alǵa shyqty.
Biraq qazaqstandyq tennısshi tarazy basyn aýdara bildi - 7:5. Sodan keıin úshinshi, sheshýshi sette jeńisti julyp aldy - 6:3.
Tartysty ótken báseke 2 saǵat 13 mınýtqa sozyldy.
Osylaısha, 22 jastaǵy T.Skatov óz sporttyq jolynda alǵash ret Fransııa ashyq chempıonatynda oınaıtyn bolady. Onyń qarsylasy keıin anyqtalady.
