Sot qaýlysymen taksı júrgizýshisi ákimshilik quqyq buzýshylyq jasaǵany úshin kináli dep tanylyp, qaıtalap quqyq buzýshylyqtardyń aldyn alý maqsatynda bes táýlikke ákimshilik qamaqqa alý týraly sheshim qabyldandy. Sot úkimi zańdy kúshine engen joq.
Er adam buryn osy baptyń 2-bóligi boıynsha ákimshilik jaýapkershilikke tartylǵan. Ol Qazaqstan Respýblıkasy ÁQBtK-niń 440-babymen 2023 jylǵy 21 mamyrda Almaty halyqaralyq áýejaıynyń aýmaǵynda qoǵamdyq tártipti buzyp, Úndistan azamatyn tasymaldaý qyzmetin kórsetý úshin tabandylyq tanytqan.
Sot otyrysynda kináli dep tanylǵan azamat jasaǵan quqyq buzýshylyǵynyń mán-jaıyn rastap, óz kinásin moıyndap, jasaǵan áreketine ókingenin jetkizdi.
2023 jyldyń 24 mamyrynda Almatyda Úndistan azamattaryn ózine 800 dollar berýge májbúrlegen taksı júrgizýshisi qylmystyq jaýapkershilikke tartylǵany belgili boldy.
21 mamyrda almatylyq jeke júrgizýshi kóligine Úndistannan kelgen týrısterdi tıep alǵan. Olardy Almaty halyqaralyq áýejaıynan qonaqúıge myń teńgege jetkizip beremin dep ýáde etken. Alaıda sol jerde taksı júrgizýshisi jolaýshylardan 1180 dollar talap ete bastaǵan. Nátıjesinde týrıster oǵan 800 dollar berýge májbúr boldy.
