Kavendısh – jeńimpaz

Sonymen qatar Mark Ka­ven­dısh «Djıro d’Italııa» tarı­hyndaǵy taǵy bir rekordty ja­ńartty. Iаǵnı brıtanııalyq ve­loshabandozdyń eń birinshi jáne sońǵy jeńisiniń arasyn tup-týra 15 jyl 15 kún bólip tur. Ol Italııa grand-týrynda alǵash ret 2008 jyldyń 13 mamyrynda jeńiske jetken bolsa, sońǵy márte 2023 jyldyń 29 mamyrynda dara shyqty. Buǵan deıingi rekord ıtalııalyq Djıno Bartalıge tıesili bolatyn. Onyń birinshi jáne sońǵy jeńisiniń arasy – 15 jyl 9 kún.

Apennın túbegindegi sáni men saltanaty jarasqan eń kóne shahardyń biri sanalatyn Rımniń ortalyq kóshelerinde uıym­dastyrylǵan jarystyń 21-kezeńde «Astana» ókili aldyna jan salǵan joq. 126 shaqyrymǵa sozylǵan sońǵy kezeńdegi sprınterler jarysynda Mark máre syzyǵyn 2 saǵat 48 mınýt 26 sekýnd ishinde kesip ótip, jalpy 17-márte kezeń jeńimpazy atandy.

Ulybrıtanııalyq veloshabandoz bul kezeńde uzaq ýaqyt boıy qalyń toptyń arasynda júrip, bar kúshin sońǵy shaqyrymdaǵy sprınterlerdiń saıysyna saqtap otyrdy. Sóıtip, márege sanaýly metrler qalǵanda Kavendısh qalyń toppen birge shabýylǵa shy­ǵyp, aqyr sońynda bárin shań qaptyryp ketti. Keıingi eki orynǵa Lıýksembýrg ókili Aleks Kırsh («Trek-Segafredo») pen ıta­lııalyq Fılıppo Fıorellı («Green Project – Bardiani-CSF») ıe boldy.

106 márte uıymdastyrylǵan «Djıro d’Italııa» jarysynyń bıylǵy maýsymynda 33 jastaǵy slovenııalyq veloshabandoz Prı­moj Roglıch («Jumbo – Visma») top jardy. Onyń ýa­qyt kórsetkishi – 85 saǵat 29 mınýt 2 sekýnd. Ekinshi oryn­dy 2018 jylǵy «Týr de Frans» jarysynyń jeńimpazy 37 jas­taǵy ulybrıtanııalyq Ge­raınt Tomas («INEOS Grena­diers») ıelense, úzdik úshtikti por­týga­lııalyq Djoaý Almeıda («UAE Team Emirates») túıindedi.

Jekeleı atalymdaǵy jeńim­pazdarǵa toqtalar bolsaq, 22 jas­taǵy ıtalııalyq Djonatan Mılan («Bahrain Victorious») 217 upaımen sprınterler saıy­synda úzdik shyqsa, 101 upaıy bar Mark Kavendısh tórtinshi orynǵa turaqtady. «Groupama – FDJ» komandasynyń fransııalyq ókili Tıbo Pınot taýly kezeńniń koroli atansa, jas veloshabandozdar arasynda portýgalııalyq Djoaý Almeıda («UAE Team Emirates») úzdik shyqty. Al ko­mandalyq saıysta Bahreınniń «Bahrain Victorious» komandasy bas júldege ıe boldy. Olardyń ýaqyt kórsetkishi – 256 saǵat 21 mınýt 18 sekýnd. Kóshbasshydan 1 saǵat 31 mınýt 44 sekýndqa qa­lyp qoıǵan «Astana» komandasy jalpy esepte jetinshi oryndy qa­naǵat tutty.