Hokkeı oınaýdy Latvııadan úırenemiz be?

Baltyq jaǵalaýy ókil­de­riniń bul dodadaǵy tabysy kez­­­deısoq emes. Álem chem­pıo­­­nat­tarynyń tarıhyna kóz jú­girter bolsaq, keıingi 10 jylda Latvııa quramasy elıtaly kezeńde tu­raqty óner kór­se­tip keledi. Al tu­raq­tylyq qashanda nátıje be­retini belgili. Latvııalyqtar osydan bes jyl buryn da Da­nııadaǵy álem chempıonatynyń pleı-off kezeńine shyǵyp, tek shırek fınalda Shvesııadan jeńilip qalǵan-dy. Arada bes jyl ótkende jerebe Shvesııa men Latvııa hokkeıshilerin taǵy da shırek fınalda kezdestirip, bul joly Latvııa quramasy ese qaı­tardy.

Toptyq kezeńde Qazaq­stanmen birge V tobynda baq synaǵan Latvııa quramasy jos­parlanǵan jeti oıynnyń be­seýinde jeńis týyn jelbiretip, úshinshi orynmen chempıonattyń pleı-off kezeńine joldama al­dy. Alǵashqy eki týrda olar bo­lashaq álem chempıony Kanada (6:0) jáne Slovakııaǵa (2:1) jol berse, keıingi bes matchta Chehııa (4:3), Norvegııa (2:1), Slo­venııa (3:2), Qazaqstan (7:0) jáne Shveısarııany (4:3) qapy qal­dyrdy. Al shırek fınalda Shve­sııany 3:1 esebimen súrin­dirse, jartylaı fınalda taǵy da Kanada quramasyna jol berip (4:2), úshinshi oryn úshin oınaý múmkindigine ıe boldy.

Qola júlde úshin bolǵan match­ta Latvııa oıynshylary mu­z­­­aıdynda bir sátke de aıanyp qalǵan joq. Nátıjesinde, mu­hıttyń arǵy betinen kelgen qu­ramany overtaımda jeńip (4:3), tuńǵysh ret álem chempıonatynyń qola júldesin ıelendi.

Jartylaı fınalda AQSh-tan basym túsip, óz tarıhynda úshinshi márte fınalǵa shyq­qan Germanııa quramasy bul joly da bas júldege bir qadam qal­ǵanda súrindi. Nemister 1930 jylǵy alǵashqy fınalynda Ka­nadaǵa jol bergen bolsa, 1953 jylǵy básekede Shve­sııa­dan aılasyn asyra almady. Al úshinshi múmkindiginde taǵy da Kanada quramasynyń myq­tylyǵyn moıyndaýǵa máj­búr boldy. Al 1920 jyldan beri ótkizilip kele jatqan álem chem­pıonatynda Kanada hokkeı­shileri osymen 28-márte jeńis tuǵyrynan kórinip, jeńiske jetý jaǵynan álem birinshiliginiń re­kor­dyn ornatty. Sonymen qa­tar kanadalyqtar 16 márte kú­mis júldeger atansa, 9 ret qola júl­deni qanjyǵalaryna baı­laǵanyn aıta ketken jón.

Endi shaıbaly hokkeıden kelesi jylǵy álem chempıonaty 10-26 mamyr aralyǵynda Chehııanyń Praga jáne Ostrova qala­larynda ótedi. Ǵalym Mám­bet­álıev jetekshilik etetin Qa­zaqstan quramasy bıylǵy birin­shilikte V tobynda – altynshy, al jalpykomandalyq esepte 11-oryndy ıelenip, kelesi jyly da elıtaly kezeńde oınaý múm­kindigin saqtap qaldy.

Sonymen qatar Fınlıandııa men Latvııadaǵy álem chempıo­natynyń aıasynda Halyq­ara­lyq shaıbaly hokkeı fede­rasııa­synyń kezekti jıyny ótip, 2027 jylǵy chempıo­natty qa­byl­daıtyn eldi anyq­tady. Tórt jyl­dan keıingi dodany ótkizýge Qa­zaqstan men Germanııa qatar talasyp, daýys berý nátı­jesinde kópshilik qoldaýyna ıe bolǵan Germanııa je­ńiske jetti. Sóıtip, 2027 jyl­ǵy birinshilik Ger­m­a­nııada uıymdastyrylatyn boldy.