Senim gramotalaryn Pákistan Islam Respýblıkasynyń elshisi Naýman Bashır Bhattı, Koreıa Respýblıkasynyń elshisi Te-ık Chjo, Fılıppın Respýblıkasynyń elshisi Igor Garlıt Baılen, Shrı-Lanka Demokratııalyq Sosıalıstik Respýblıkasynyń elshisi Djanıta Abeıvıkrema Lııange jáne Angola Respýblıkasynyń elshisi Aýgýshtý Da Sılva Kýnıa tapsyrdy.
Qasym-Jomart Toqaev elshilerdi Qazaqstandaǵy dıplomatııalyq mıssııalarynyń resmı bastalýymen quttyqtap, ekijaqty yntymaqtastyqty odan ári nyǵaıtý isinde tabys tiledi.
Sondaı-aq Prezıdent olardyń memleketteriniń basshylaryna júrekjardy sálemin joldady.
«Qazaqstan beıbitshilikke negizdelgen syrtqy saıasat júrgizedi. Biz yntymaqtastyqqa, sonyń ishinde sizderdiń elderińizben tyǵyz qarym-qatynasqa ashyqpyz. Sizderdiń mıssııalaryńyz óte tabysty bolady dep senemin. Qazaqstan Úkimeti men Prezıdent Ákimshiligi Qazaqstandaǵy mıssııalaryńyzǵa qoldaý kórsetý úshin qoldan kelgenniń bárin jasaıdy. Sizderdiń elderińizben yntymaqtastyqty nyǵaıta otyryp, zor nátıjege qol jetkize alamyz dep oılaımyn», dedi Memleket basshysy.
