Qazaqstannyń Memlekettik rámizderi kúnine oraı elorda ákimdigi «Memlekettik rámizder – ult maqtanyshy» baıqaýyn jarııalady. Qatysýshylar 29 mamyrdan 1 maýsymǵa deıin Instagram-da Týdyń, Eltańbanyń shyǵarmashylyq fotosýretin nemese Ánurannyń oryndalýy týraly vıdeo jarııalaýy kerek. Paraqsha ashyq bolýy kerek, al postqa #MemlekettikRámizderUltMaqtanyshy heshtegi qoıylýy tıis. Sondaı-aq @akimat__astana akkaýntyna jazylyp, ony jarııalanymda belgileý qajet.
Jarııalanymdardy qabyldaý 1 maýsym kúni saǵat 23:59-da aıaqtalady. Jeńimpazdar úsh nomınasııa boıynsha konkýrstyq komıssııanyń sheshimimen anyqtalady:
- «QR Týy bar úzdik foto»;
- «QR Eltańbasy bar úzdik foto»;
- «QR Ánuranyn úzdik oryndaý».
Úzdikter 4 maýsym kúni Astana qalasy ákimdiginiń YouTube arnasynda kórsetiletin «El rámizderi – erkindik nyshany» onlaın-beınemarafonynda jarııalanady.
