«Qazgıdromet» RMK aqparatyna sáıkes, atmosferalyq frontaldy bólimderdiń ótýimen eldiń basym bóliginde naızaǵaı oınap, jańbyr jaýady.
Sınoptıkterdiń boljamy boıynsha respýblıkanyń soltústiginde ǵana jaýyn-shashynsyz ashyq aýa raıy saqtalady.
El boıynsha jeldiń kúsheıýi, batysta, ońtústikte shańdy daýyl, soltústikte tuman bolady dep boljanyp otyr.
Atyraý, Aqtóbe, Mańǵystaýdyń ońtústiginde, Qostanaı oblysynyń soltústiginde, batysynda aptap ystyq kútiledi.
Mamandar Qostanaı, Aqmola, Soltústik Qazaqstan, Aqtóbe oblystarynyń basym bóliginde joǵary órt qaýpi saqtalatynyn eskertti.
«Qyzylorda oblysynyń basym bóliginde, shyǵysynda, Pavlodar qalasynyń ortalyǵynda, Atyraý, Qaraǵandy shyǵysynda, Ulytaýdyń ortalyǵynda, Abaı oblysynyń soltústiginde, shyǵysynda tótenshe órt qaýpi saqtalady», delingen sınoptıkterdiń habarlamasynda.
Astanada aýyspaly bult, qysqa merzimdi jańbyr, naızaǵaı boljanady. Túnde aýa temperatýrasy +14+16°S, kúndiz +31+33°S.
Almatyda kún bultty bolsa da, jaýyn-shashyn kútilmeıdi. Soltústik-shyǵystan soǵatyn jeldiń ekpini 2-7 m/s deıin jetedi. Aýa temperatýrasy túnde +11+13°S, kúndiz +25+27°S.
Shymkentte de jaýyn-shashyn bolmaıdy. Shyǵystan soǵatyn jeldiń ekpini - 8-13, kúndiz ekpini 15-20 m/s bolady. Túnde aýa temperatýrasy + 17 + 19°S, kúndiz + 32 + 34°S.
