Kelesi qarsylasymyz – San-Marıno

Naýryz aıyndaǵy Slovenııa jáne Danııa quramalarymen ótken oıyndarǵa shaqyrtý alǵan tizimmen salystyrar bolsaq, Magomed Adıev bul jıynǵa jańadan tórt fýtbolshyny qosqan eken. Atap aıtqanda, «Ordabasynyń» qaqpashysy Muham­medjan Seısen, «Aqtóbeniń» qor­ǵaýshysy Álibek Qasym, «Aqsýdyń» jáne «Qyzyljardyń» jartylaı qorǵaýshylary – Mıras Turlybek pen Erkin Tapalov jáne «Qaırattyń» shabýylshysy Vıacheslav Shvyrev bıyldyqqa alǵash ret ulttyq qur­a­manyń oqý-jattyǵý jıynyna sha­qyrtý alyp otyr.

Al ishki chempıonattyń oıyndarynda jaraqat alyp qalǵan «Orda­basynyń» jartylaı qorǵaýshysy Baýyrjan Islamhan, túrli sebeptermen «Aqtóbeniń» qaqpashysy Stas Pokatılov, «Ordabasynyń» qor­ǵaýshysy Ǵafýrjan Súıimbaev bul jolǵy tizimnen shyǵyp qaldy. Tizim­degi ózge oıynshylardyń bári buǵan deıingi jıynǵa qatysqan bolatyn.

Maýsymdaǵy mańyzdy oıyndarda Magomed Adıev myna fýtbolshylarǵa senim artpaq. Qaqpashylar: Igor Shas­kıı («Shahter»), Muhamedjan Seı­­sen, Bekhan Shaızada (ekeýi de – «Or­dabasy»), Danıl Ýstımenko («Qaı­rat»).

Qorǵaýshylar: Sergeı Malyı, Temirlan Erlanov (ekeýi de – «Or­dabasy»), Aleksandr Marochkın, Baǵ­­dat Qaıyrov (ekeýi de – «To­byl»), Mıhaıl Gabyshev, Tımýr Dos­ma­ǵambetov, Abzal Beısebekov (bar­lyǵy – «Astana»), Talǵat Kýsıapov («Kaspıı»), Marat Bystrov («Ahmat», Reseı), Iаn Vorogovskıı («Molenbek», Belgııa), Álibek Qasym («Aqtóbe»), Nuraly Álip («Zenıt», Reseı), Lev Skvorsov («Hımkı», Reseı).

Jartylaı qorǵaýshylar: Ra­ma­zan Orazov («Tobyl»), Maksım Samo­rodov, Arman Keńesov (ekeýi de – «Aqtóbe»), Ashat Taǵybergen («Or­dabasy»), Aslan Darabaev, El­han Astanov, Islambek Qýat (bar­lyǵy – «Astana»), Baqtıer Zaı­nýt­dınov (SSKA, Reseı), Mıras Tur­lybek («Aqsý»), Erkin Tapalov («Qy­zyljar»).

Shabýylshylar: Abat Aıymbetov, Vladıslav Prokopenko (ekeýi de – «Astana»), Abylaıhan Jumabek («Aqtóbe»), Aıbar Jaqsylyqov («Ordabasy»), Artýr Shýshenachev, Vıacheslav Shvyrev (ekeýi de – «Qaırat»), Islam Chesnokov («Tobyl»).

Jattyqtyrýshylar shtaby: Magomed Adıev – bas bapker, Ev­genıı Kostrýb – bas bapkerdiń kó­mekshisi, Rýslan Baltıev – bas bap­kerdiń kómekshisi, Valerıı Sıtalo – qaqpashylardyń jattyqtyrýshysy, Erlan Ibraım – dene daıarlyǵy jattyqtyrýshysy, Amal Syzdyqov – sarapshy bapker.

Oqý-jattyǵý jıyny 8 maýsymda Almatyda bastalady. Oıynshylardyń naqty tizimin Magomed Adıev búgin saǵat 16.00-de «Qazsport» telear­na­synyń tikeleı efırinde málimdeıdi.

Qazaqstan quramasy maýsym aıyn­da syrt alańda eki match ótkizedi. 16 maý­sym kúni Magomed Adıev komandasy San-Marınomen Italııanyń Parma qalasynda kezdesedi. San-Marınodaǵy ÝEFA talabyna saı keletin «Olımpıko dı Serravalle» stadıony jóndeý jumystaryna baılanysty ýaqytsha jabylǵandyqtan, olar óz alańyndaǵy matchtardy Italııada ótkizedi. «Ennıo Tardını» stadıonyndaǵy match elorda ýaqytymen 00.45-te bastalady.

Úsh kúnnen keıin bizdiń qurama Soltústik Irlandııaǵa sapar shegip, jergilikti fýtbolshylarmen oınaıdy. Kezdesýdiń bastalýy Astana ýa­qytymen 00.45-ke josparlanǵan. Match Belfast qalasyndaǵy «Ýındzor Park» stadıonynda ótedi.

Naýryz aıyndaǵy eki týr­dyń qory­tyndysy boıynsha Qazaqstan quramasy úsh upaımen týrnır kes­tesinde úshinshi orynda keledi.