Parıj Olımpıadasy: Kimde joldama bar?

Parıjdegi dúbirli dodaǵa joldama beretin irikteý saıystarynyń deni bıylǵa josparlanǵanymen, 2022 jyldyń ózinde jer-jahan­nyń sportshylary sporttyń 11 túrinen 2024 jylǵy Olımpııa oıyn­daryna 120 joldama jeńip alǵan. Olardyń ishinde eń kóp jol­dama nysana kózdeý sportyna tıesili. Al bıyl sportshylar taǵy 13 sport túrinen joldamaǵa ta­lasady.

Jazǵy Olımpııa oıyndaryn óz tarıhynda osymen úshinshi márte ótkizgeli otyrǵan Fransııa – jarysty uıymdastyrýshy mem­leket bolǵandyqtan, «úsh jo­laqty» eldiń sportshylary tórt­jyldyqtyń bas­ty básekesiniń baǵ­darlamasyna engen barlyq sport túrinen irikteýsiz-aq jol­da­­malarǵa qol jetkizip otyrǵanyn aıta ketken jón.

Joǵaryda aıtyp ótkeni­miz­deı, qazirgi tańda Parıj Olım­pıadasyna eń kóp joldamany (76!) nysana kózdeý sportshylary jeńip aldy. Atap aıtqanda, pnevmatıkalyq myltyqpen oq atý (10 metr) boıynsha áıelderden AQSh quramasy 2 kvota, Qytaı, Polsha, Koreıa sportshylary bir-bir joldamaǵa ıelik etse, dál osy sanattaǵy erler básekesinde Úndistan, Italııa, Qytaı, Chehııa, AQSh quramalary ázirge bir ǵana joldamany qanaǵat tutqan.

Sonymen qatar myltyqpen úsh qalyptan atý (50 metr), áıelder: Danııa, Chehııa, Qytaı, Norvegııa, AQSh (2 kvota), Koreıa;

Myltyqpen úsh qalyptan atý (50 metr), erler: Chehııa, Norvegııa, Ýkraına, Polsha, Úndistan, Qy­taı, AQSh;

Pnevmatıkalyq tapansha (10 metr), áıelder: Grekııa, Qytaı, Serbııa, Armenııa, AQSh;

Pnevmatıkalyq tapansha (10 metr), erler: Qytaı, Pákistan, Ko­reıa, Ýkraına, Brazılııa;

Tapansha (25 metr), áıelder: Germanııa, Polsha, Koreıa, Qytaı, Bolgarııa, Iran, AQSh;

Tez atatyn tapansha (25 metr), erler: Fransııa, Germanııa (2 kvota), Koreıa, Pákistan, Qytaı, Kýba;

Trap, áıelder: Italııa, Uly­brıtanııa, Fransııa, Ispanııa, Slovakııa, Aýstralııa, AQSh;

Trap, erler: Chehııa, Shvesııa, AQSh (2 kvota), Ulybrıtanııa, Qy­taılyq Taıpeı, Úndistan;

Skıt, áıelder: Ulybrıtanııa, Germanııa, AQSh (2 kvota), Italııa, Slovakııa, Ýkraına;

Skıt, erler: Chehııa, Italııa, AQSh (2 kvota), Shvesııa, Mysyr, Qatar.

Nysana kózdeý sportynyń ere­jesi boıynsha Olımpııa oı­yn­da­rynyń irikteýi sportshy­lar­dyń ár jarysta jınaǵan reı­tıngtik upaılaryna qaraı úles­tiriledi.

Keıingi eń kóp joldama at úshsaıysy sportshylaryna tıe­sili. Olardyń enshisinde 7 joldama bar. Máselen, komandalyq irikteý (3 adamnan) saıysy boıyn­sha Germanııa, AQSh, Jańa Zelandııa, Ulybrıtanııa, Irlandııa, Shvesııa, Shveısarııa, Fransııa (jarys qojaıyny) memleketterinde bir joldamadan bar. Bul sport túri­nen Olımpıada joldamalary 2023 jyldyń 1 qańtary men 31 jeltoqsany aralyǵyndaǵy reıtıngke qarap beriledi.

Sporttyq gımnastıka (6 joldama) boıynsha áıelder ko­mandasynan (5 sportshy) AQSh, Uly­brıtanııa, Kanada jáne erler komandasynan (5 sport­shy) Qy­taı, Japonııa, Ulybrı­ta­nııa quramalary Parıj Olım­pıa­dasyna daıyndyqtaryn bas­tap ketti.

Atalǵan alty eldiń sportshylary Olımpıada joldamasyn byltyr Ulybrıtanııanyń Lıverpýl qalasynda ótken álem chempıonatynda oljalaǵanyn jankúıerler jaqsy biledi. Al bıylǵy joldamalar osy jyldyń 29 qyrkúıegi men 8 qazany aralyǵynda Belgııanyń Antverpen qalasynda jalaýy jelbireıtin kezekti álem birin­shi­liginde sarapqa salynady.

Sonymen qatar kórkem gımnastıka ókilderi de búginge deıin 6 joldama jeńip alǵan. Atap aıt­qanda, jekeleı irikteý saıystary boıynsha Italııa, Germanııa, Bolgarııa, al toptyq irikteý (5 sportshydan) sanatynda Bolgarııa, Izraıl, Ispanııa sportshylary joldamaǵa ıelik etti. Bul sport túrinen eń jaqyn olımpıadalyq irikteý 2023 jyldyń 23-27 tamyzynda Ispanııanyń Valensııa qalasynda álem chempıonaty aıasynda ótedi.

At sporty (6) boıynsha koman­dalyq irikteýden ótkender (ár komandadan 3 sportshy): Danııa, Uly­brıtanııa, Germanııa, Shvesııa, Nıderland, AQSh, Fran­sııa (jarys qojaıyny). At sportynyń jol­­damalary 2022 jyldyń 1 qyr­­­kúıegi men 31 jel­toqsany ara­­­ly­ǵyndaǵy nátı­je­lerge qarap beriledi.

Konkýr (6) saıysy: Koman­dalyq irikteý (3 adamnan): Shvesııa, Nıderland, Ulybrıtanııa, Ir­lan­dııa, Germanııa, Belgııa, Fran­sııa (jarys qojaıyny).

At ústinde ártúrli kedergi­lerden ótetin konkýrs saıysynyń olımpıadalyq joldamasy 2023 jyldyń 1 qańtary men 31 jeltoq­sany aralyǵyndaǵy reıtıngke qarap beriledi.

Fýtbol (5). Áıelder: Brazılııa, Kolýmbııa, AQSh, Fransııa (jarys qojaıyny). Erler: Domınıkan Respýblıkasy, AQSh, Fransııa (ja­rys qojaıyny).

Trıatlon (4). Áıelder: Uly­brıtanııa (2 kvota), Fransııa (2 kvota jarys qojaıyny retinde berildi). Erler: Ulybrıtanııa (2 kvota), Fransııa (2 kvota ja­rys qojaıyny retinde beril­di). Sporttyń bul túrinen Olım­pııa oıyndarynyń joldamasy sport­shylardyń irikteý saıys­taryndaǵy nátıjelerine qarap, reıtıng arqyly beriledi.

Gandbol (2 joldama). Áıel­der: Norvegııa, Fransııa (jarys qojaıyny). Erler: Danııa, Fran­sııa (jarys qojaıyny).

Sporttyń bul túrinen erler arasyndaǵy joldamany Danııa quramasy jyl basynda Polsha men Shvesııada ótken álem chempıonatynda jeńip alǵan bolsa, Norvegııa qyzdary Olımpıada joldamasyn byltyrǵy Eýropa chempıonatynda ıelengen edi.

Serfıng (2). Áıelderden – AQSh, erlerden – Japonııa quramalary.

Basketbol (1). Áıelderden – AQSh jáne Fransııa (jarys qo­jaıyny), erlerden – Fransııa (jarys qojaıyny) quramasy. Basketbol jarysynan eń jaqyn olımpıadalyq irikteý saıysy áıelder arasyndaǵy Eýropa chempıonaty bolmaq. Bul jarys 15-25 maýsym aralyǵynda Izraıl jáne Slovenııada uıymdastyrylady.

Ázirge Qazaqstan quramasynyń qorjynynda birde-bir Olımpıada joldamasy joq. Degenmen irikteý saıystary endi-endi bastalyp jatqanyn da eskere ketken jón.