«Qazgıdromet» RMK habarlaýynsha, elimizdiń basym bóliginde ystyq aýa raıy saqtalady. Kúndiz elimizdiń soltústik-batysynda, soltústiginde +36+41°S, shyǵysta kún +33+39°S-qa deıin, ortalyqta +33+41°S-qa deıin, ońtústikte +37+44°S-qa deıin, ońtústik-shyǵysta +30+39°S-qa deıin ystyq bolady.
«Tek eldiń batys oblystarynda jáne ońtústik-shyǵystyń taýly aımaqtarynda sıklon men atmosferalyq frontaldy bólikterdiń áserinen naızaǵaı oınap, jańbyr jaýady», delingen habarlamada.
Boljam boıynsha, respýblıkanyń ońtústik aımaqtarynda shańdy daýyl men jel kúsheıedi.
