Memleket basshysy Qasym-Jomart Toqaev Premer-mınıstr Narendra Modıge jáne Úndistan halqyna temirjol apaty saldarynan bolǵan qaıǵyly oqıǵaǵa baılanysty kóńil aıtty.
«Odısha shtaty, Balasor eldi mekeninde bolǵan temirjol apaty saldarynan kóptegen adamnyń qaza tapqany týraly sýyt habardy kúızelispen qabyldadym. Jaqyndarynan aıyrylǵan otbasylardyń aýyr qaıǵysyna ortaqtasyp, Qazaqstan halqynyń jáne jeke ózimniń atymnan kóńil aıtamyn. Sondaı-aq zardap shekkenderdiń tezirek saýyǵyp ketýine tilektestik bildiremin. Osyndaı azaly sátte Úndistan halqymen birgemiz», dep jazylǵan jedelhatta.
