Senat tóraǵasy olımpıadaǵa qatysýshylardy quttyqtap, osy úsh kúnde tartysty oıyn kórsetkenin atap ótti.
«Jarysqa qatysýshylardyń árqaısysy osy chempıonattyń joǵary deńgeıde ótýine úlken úles qosty jáne olardyń bári qazirdiń ózinde chempıon ekenin dáleldedi», dedi Máýlen Áshimbaev.
Al Qazaqstan bochcha federasııasynyń prezıdenti sportshylardyń rýhy bıik, erik-jigeri myqty ekenin aıtty.
Bochchadan Qazaqstan chempıonatyna barlyq óńirden 47 sportshy qatysty. Jeńimpazdar ulttyq quramaǵa qabyldanady jáne Paralımpıada, Azııa paralımpıada oıyndary, chellendj sııaqty iri halyqaralyq dodalarda Qazaqstannyń namysyn qorǵaıtyn bolady.
