«Qurmetti dostar!
Barshańyzdy Memlekettik rámizder kúnimen shyn júrekten quttyqtaımyn.
Tý, Eltańba, Ánuran – árdaıym halqymyzdy birlikke shaqyratyn, árbir qazaqstandyqtyń aıbynyn asyryp, rýhyn asqaqtatatyn eń asyl qundylyqtarymyzdyń biri. Memleket basshysy Qasym-Jomart Kemeluly Toqaev atap ótkendeı, bul qundylyqtar boıymyzǵa zor maqtanysh pen jaýapkershilik sezimin uıalatady. Memlekettik rámizderdi qadirleý – ár azamattyń qasterli paryzy!
Shyn máninde, egemen eldiktiń nyshany sanalatyn rámizderimizdiń qadir-qasıetin óskeleń urpaqtyń sanasyna bala jastan sińirýdiń bereri mol. Bul, túptep kelgende, jastarymyzdyń otanshyl bolyp qalyptasýyna úlken úlesin qosady. Sondyqtan bul kúndi keńinen atap ótý, ony dáripteý aıryqsha mánge ıe.
Barshańyzdy búgingi merekemen quttyqtaı otyryp, ár shańyraqqa amandyq, bereke-birlik jáne yrys-nesibe tileımin! Ánuranymyz áýelep, Eltańbamyz tórden túspeı, Baıraǵymyz bıikte jelbireı bersin! Táýelsiz Qazaq eli máńgi jasasyn!», delingen quttyqtaýda.
